سرینگر//
ڈی پی اے پی لیڈر غلام نبی آزاد ہفتہ کو اننت ناگ میں جموں کشمیر کے سابق وزیر اعلیٰ اور پی ڈی پی کے بانی مفتی محمد سعید کی قبر پر حاضری نہیں دے سکے کیونکہ مقبرے کے دروازے پر تالا لگا ہوا تھا۔
آزاد اور ان کی ڈیموکریٹک پروگریسو آزاد پارٹی (ڈی پی اے پی) کے دیگر رہنماؤں کو اننت ناگ میں بجبہاڑہ میں سعید کے مزار کی باڑ کے باہر سے فاتحہ (مرحوم کے لیے خصوصی دعا) پڑھنی پڑی۔
ڈی پی اے پی کے رہنما اور سابق وزیر محمد امین بھٹ نے کہا’’ہم مفتی محمد سعید کے لیے فاتحہ خوانی کے لیے آئے تھے۔ وہ ایک قد آور لیڈر تھے۔ دروازہ بند ہے، ہم نہیں جانتے کہ یہ کس نے کیا، لیکن ہم اس کی مذمت کرتے ہیں‘‘۔
بھٹ نے حیرت کا اظہار کیا کہ جب دروازے کھلے تھے جب بی جے پی کے جموں و کشمیر کے صدر رویندر رینا نے مزار پر حاضری دی تو اسے آزاد کے لیے بند کر دیا گیا ۔
بھٹ نے کہا ’’دروازہ (بی جے پی لیڈر) رویندر رینا کے لیے کھلا تھا لیکن ہمارے مقبول لیڈر (آزاد) کے لیے نہیں جنہوں نے مفتی صاحب کے ساتھ بھائیوں کی طرح ۵۰ سال گزارے‘‘۔
فوری طور پر یہ واضح نہیں ہو سکا کہ مزار کا دروازہ کس نے بند کیا تھا۔ آزاد اپنی پارٹی کے کارکنوں کے اجلاس کے لیے بجبہاڑہ میں تھے۔ (ایجنسیاں)
