سوپور:جہلم میں غرقآب غیر مقامی کی لاش بازیاب

سرینگر//
شمالی کشمیر کے ضلع بارہمولہ کے قصبہ سوپور میں گذشتہ شام دریائے جہلم میں غرقآب ہونے والے غیر مقامی شخص کی لاش پیر کی صبح بر آمد کی گئی۔
ذرائع نے بتایا کہ سوپورکے بوہری پورہ علاقے میں اتوار کی شام ایک غیر مقامی شخص اچانک دریائے جہلم میں ڈوب گیا۔
ذرائع نے کہا کہ واقعہ پیش آتے ہی جموں وکشمیر پولیس اور ایس ڈی آر ایف نے مشترکہ آپریشن شروع کر دیا اور۱۲گھنٹوں کی مسلسل کاشوں کے بعد لاش پیر کی صبح باز یاب کی گئی۔
متوفی کی شناخت سریندر پرساد سکان بابھنولی کوشی نگر اتر پردیش کے بطور ہوئی ہے ۔
دریں اثنا پولیس نے طبی و قانونی لوازمات کی ادائیگی کے لئے اپنی تحویل میں لے لیا ہے ۔