ڈاکٹر جتیندر سنگھ نے سرکاری ملازمین کی صلاحیت سازی کے منصوبے سی بی پی کا آغاز کیا

نئی دہلی//) مرکزی وزیر مملکت برائے سائنس و ٹکنالوجی (آزادانہ چارج) ڈاکٹر جتیندرسنگھ نے نئی دہلی میں آج ڈی او پی ٹی کے صدر دفتر میں سرکاری ملازمین کے لیے صلاحیت سازی کے منصوبے سی بی پی کا آغاز کیا۔
ڈاکٹر جتیندر سنگھ نے اِس موقعے پر کہا کہ سی بی پی ، وزیراعظم نریندر مودی کا ایک نیا قدم ہے جس کا مقصد افسروں کو تربیت دینا اور ہنرمندی نیز دستیاب صلاحیت پر انحصار کرتے ہوئے افسروں اور عملے کی تقرری کو معقول بنانا ہے ۔ اس قدم میں سرکاری افسروں میں یکسر تبدیلی لانے پر خصوصی توجہ دی گئی ہے ۔
اس موقع پر مسٹر سنگھ نے کہا کہ وزیراعظم نریندر مودی نے ایسی ای حکمرانی پر زور دیا ہے جس سے حکومت میں آسان، کم خرچ اور ماحولیات کے لیے سازگار کام کاج کا طریقہ اپنایا جاسکے ۔ آسان کا مطلب وضاحت یا واضح کرنا، ای آفس کا مطلب کم اخراجات، اس کے ساتھ ساتھ فائلوں کے کام میں نہ صرف وقت کی بچت ہو ، بلکہ وہ ماحول دوست بھی ہو۔ وزیراعظم مودی کی طرف سے کی گئیں انتظامی اصلاحات کا مقصد ایک مستعد ، شفاف اور بدعنوانی سے پاک انتظامیہ تشکیل دینا ہے ۔
مرکزی وزیرمملکت نے کہا کہ کرم یوگی پرارمبھ طریقہ کار کو سبھی سرکاری ملازمین کی ، تقرر ی کے وقت تربیت کا حصہ بنا یا گیا ہے اور اس طریقۂ کار کو اُن نئے مقرر کیے گئے ملازمین پر بھی نافذ کیا جائے گا جنہوں نے چھٹے روزگار میلے کے تحت سرکاری سروس حاصل کی ہے جس کا انعقاد کل کیا گیا تھا اور جس میں 51 ہزار سے زیادہ نوجوانوں کو وزیراعظم مودی نے تقرر نامے سونپے تھے ۔
ڈی او پی ٹی کے وزیر نے سی بی سی سے کہا کہ وہ مختلف تربیتی ماڈیولس کو تازہ شکل دیتے رہیں اور ان کا جائزہ لیتے رہیں جیساکہ آرٹی فشئلانٹلیجنس ہمارے سیکھنے کے عمل اور کام کرنے کے طریقہ کار کو پوری طرح بدلنے والی ہے ۔
مسٹر جتیندر سنگھ نے کہا ‘‘ٹکنالوجی کے اس دور میں کسی بھی تعداد کو دوگنا کرنے کا وقت ، پانچ سال سے کم ہوکر محض ایک سال سے بھی کم رہ گیا ہے ۔’’
اے ایس او سطح سے جے ایس تک ، ہر سطح کے سرکاری ملازمین اور سکریٹری تک کے لیے کچھ منتخبہ نصابات کے لیے آئی گوٹ تربیتی ماڈیولز سے متعلق سی بی پی کی تعریف کرتے ہوئے ڈاکٹر جتیندر سنگھ نے سی بی سی کے چیئرمین عادل زینل بھائی سے کہا کہ وہ وزیروں کے لیے بھی اسی طرح کا ایک تربیتی مادیول تیار کریں۔
سی بی سی کے چیئرمین نے وزیر موصوف کو بتایا کہ آئی گوٹ پلیٹ فارم پر 700 نصابات شروع کیے گئے ہیں۔ انہوں نے کہا کہ مرکزی سرکار کے تقریباً 30 لاکھ ملازمین میں سے دس لاکھ ملازمین ریلویز میں ہیں۔ دیگر دس لاکھ ملازمین سی اے پی ایف میں ہیں اور بقیہ دس لاکھ ملازمین وزارتوں اور محکموں میں ہے ۔ کام کاج اور رویہ جاتی ہنرمندی سے متعلق 80 فیصد ہنرمندیاں مشترک ہیں جبکہ 20 فیصد اپنے اپنے کام کاج سے متعلق ہیں اور ان کا تعلق خصوصی کاموں اور رول سے ہے ۔ انہوں نے کہا کہ مشن کرم یوگی اور آئی گوٹ کا مقصد ملازمین کے اندر یکسر تبدیلی لانا ہے ۔