ویری ناگ میں ریچھ کے حملے میں شہری زخمی

سرینگر//
جنوبی ضلع اننت ناگ کے ویری ناگ علاقے میں ریچھ نے مقامی شہری پر حملہ کیا جس کے نتیجے میں وہ شدید طورپر زخمی ہوا ہے ۔
اطلاعات کے مطابق ویر ناگ میں جمعرات کے روز اس وقت سراسیمگی دوڑ گئی جب ایک ریچھ نے مقامی شہری پر حملہ کرکے اس کو لہولہان کیا۔
معلوم ہوا ہے کہ چیخ وپکار کی صدائیں بلند ہونے کے ساتھ ہی آس پاس موجود لوگ جائے موقع پر پہنچے اور زخمی شہری جس کی شناخت غلام رسول راتھر کے بطور ہوئی ہے کو ہسپتال منتقل کیا جہاں سے اس کو مزید علاج ومعالجہ کی خاطر گورنمنٹ میڈیکل کالج اننت ناگ ریفر کیا گیا۔