چلئے جی وہ لوگ خوشیاں منائیں‘ مٹھائیاں بانٹیں‘ بانگڑا ڈالیں جو الیکشن… جموں کشمیر میں اسمبلی الیکشن کے انعقاد کا مطالبہ کررہے تھے اورمطالبے میں اپنا گلا پھاڑ رہے تھے… کچھ اس طرح کہ جیسے الیکشن آنے کی دیر ہے اور… اور الیکشن کے ہوتے ہی انہیں جموں کشمیر کی حکومت چرنوں میں ڈال دی جائیگی ۔ایسا نہیں ہے اور ایسا ہو نے سے رہا… اس میں کوئی شک نہیں ہے اور… اور بالکل بھی نہیں ہے کہ حکومت … اپنے مودی جی اور امت بھائی شاہ کی حکومت نے عدالت عظمی کو بتایا کہ مرکز کسی بھی وقت جموںکشمیر میں الیکشن کرانے کیلئے تیار ہے… لیکن… لیکن اس کا یہ مطلب نہیں ہے اور… اور بالکل بھی نہیں ہے کہ آپ کل صبح نیند سے بیدا ر ہوں گے اور… اور آپ کو ووٹ ڈالنے کو کہا جائیگا …نہیں صاحب ایسا نہیں ہے۔ہم یہ نہیں کہہ رہے ہیں کہ مرکز نے سپریم کورٹ میں جھوٹ کہا … نہیں ہم ایسا نہیں کہہ رہے ہیں…ہم مرکز پر جھوٹا ہو نے کا الزام عائد کرنے کی گستاخی نہیں کررہے ہیں… ہم صرف اتنا کہہ رہے ہیں کہ مرکز نے یقینا الیکشن کے انعقاد پر آمادگی ظاہر کی … لیکن ساتھ میں یہ بھی کہا کہ … کہ الیکشن کب ہوں گے اس کا فیصلہ بالآخر الیکشن کمیشن کو ہی کرنا ہو گا … وہی حتمی فیصلہ لے گا … اگر تھوڑا … زیادہ نہیں تھوڑا غور کیا جائے تو …تو مرکزی حکومت نے آج سپریم کورٹ میں کچھ بھی نیا نہیں کہا… بالکل بھی کہا… اس سے پہلے بھی وہ کئی بار کہہ چکی ہے … حتیٰ کہ اپنے ایل جی صاحب بھی کہہ چکے ہیں کہ کشمیر… جموں کشمیر میں الیکشن کے بارے میں کوئی بھی فیصلہ الیکشن کمیشن کو ہی لینا ہے اور… اور اللہ میاں ہی قسم اسی بات کو آج مرکز نے تشا مہتا کے منہ سے دہرایا …ہاں البتہ کمال چالاکی کا مظاہرہ کرتے ہو ئے اب کی بار اس نے یہ بھی کہا کہ… کہ وہ جموں کشمیر میں الیکشن کرانے کیلئے تیار ہے… کسی بھی وقت تیار ہے ۔ ہم تو صاحب دعا کرتے ہیں کہ… کہ اب الیکشن کمیشن اگر اور مگر کے بجائے الیکشن کی تاریخوں کا اعلان کر ہی دے کہ… کہ کشمیر اور جموں میں بہت سارے سیاستدانوں کی نیندیں… اقتدار سے باہر رہ کر نیندیں حرام ہو گی ہیں… انہیں دن کا سکون حاصل ہے اور نہ رات کا آرام ۔ ہے نا؟
اب الیکشن ہوں گے… لیکن ؟
