ٹنگمرگ میں ریچھ کے حملے میں شہری زخمی

سرینگر//
شمالی ضلع بارہمولہ کے چھانہ پورہ ٹنگمرگ علاقے میں ریچھ کے حملے میں شہری شدید طورپر زخمی ہوا ہے ۔
اطلاعات کے مطابق چھانہ پورہ ٹنگمرگ میں جمعے کی صبح اس وقت سنسنی کا ماحول پھیل گیا جب کھیت میں کام کر رہے مقامی شہری محمد یوسف پر ریچھ نے اچانک حملہ کیا جس کے نتیجے میں وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی شخص کو علاج ومعالجہ کی خاطر نزدیکی ہسپتال منتقل کیا تاہم وہاں پر ابتدائی مرہم پٹی کے بعد اس کو سری نگر منتقل کیا گیا۔
دریں اثنا ریچھ کو پکڑنے کی خاطر محکمہ وائلڈ لائف نے مختلف مقامات پر پھندے نصب کئے ہیں۔