کشمیر میں سال رواں کے دوران اب تک 62جنگجو مارے گئے :آئی جی پی کشمیر

سرینگر/28اپریل
کشمیر زون پولیس کے انسپکٹر جنرل وجے کمار کا کہنا ہے کہ وادی کشمیر میں سال رواں کے دوران اب تک تصادم آرائیوں کے دوران مختلف جنگجو تنظیموں سے وابستہ کل62 جنگجو مارے گئے ۔
کمار نے کہا کہ ان مہلوک جنگجو ¶ں میں سے47مقامی جبکہ15غیر ملکی جنگجو تھے ۔انسپکٹر جنرل نے یہ جانکاری جمعرات کو کشمیر زون پولیس کے ٹیوٹر ہینڈل پر ایک ٹویٹ کے ذریعے فراہم کی۔
ٹویٹ میں کہا گیا”سال رواں کے دوران اب تک کل 62 جنگجو مارے گئے جن میں سے 47 مقامی جبکہ15 غیر مقامی جنگجو تھے “۔
ٹویٹ میں مزید کہا گیا کہ مہلوک جنگجو ¶ں میں سے 39 جنگجو ¶ں کا تعلق لشکر طیبہ نامی جنگجو تنظیم سے تھا جبکہ 15جنگجو جیش محمد، 6 جنگجو حزب المجاہدین اور 2 جنگجو البدر نامی جنگجو تنظیموں سے وابستہ تھے ۔
بتادیں کہ جنوبی کشمیر کے ضلع پلوامہ کے متری گام علاقے میں بدھ اور جمعرات کی درمیانی شب ایک تصادم آرائی کے دوران البدر سے وابستہ دو جنگجو مارے گئے ۔