سمارٹ میٹروں کی تنصیب کیخلاف کانگریس کا جموں میں احتجاج

جموں//
جموںکشمیر پردیش کانگریس کمیٹی نے جمعہ کے روز جموں میں سمارٹ میٹروں کی تنصیب کے خلاف احتجاج درج کیا۔احتجاجیوں نے ہاتھوں میں بینرس اٹھا رکھے تھے اور وہ جم کرنعرہ بازی کر رہے تھے ۔
اس موقع پر کمیٹی کے صدر وقار رسول وانی نے میڈیا کے ساتھ بات کرتے ہوئے کہا کہ کانگریس نے بھی جموں وکشمیر پر حکومت کی ہے لیکن لوگوں پر کبھی بوجھ نہیں ڈالا گیا۔
وانی نے کہا’’جس غریب کی ماہانہ آمدنی ایک ہزار رویے سے بھی کم ہے وہ کیسے نو ہزار‘دس ہزار رویے کی بل ادا کرسکتا ہے‘‘۔ان کا دعویٰ تھا’’موجودہ سرکار ٹول ٹکیس، پراپرٹی ٹیکس وغیرہ لگا کر جموں کے لوگوں کا خون چوس رہی ہے ‘‘۔
کانگریس کے یونٹ صدر نے کہا کہ آج یہاں جبری طور پر سمارٹ میٹر لگائے جا رہے ہیں۔انہوں نے کہا کہ ہم حکومت کے اس اقدام کی سخت مخالفت کرتے ہیں۔