سرینگر//
شمالی کشمیر بارہمولہ ضلع کے رفیع آباد سوپور علاقے میں جمعہ کو ایک نوجوان کرنٹ لگنے سے ہلاک ہوگیا۔
ایک سرکاری اہلکار نے ایک مقامی خبر رساں ایجنسی کو بتایا کہ ۱۹سالہ ساحل احمد خان ولد نواب خان ساکنہ برمن رفیع آباد کو ان کی رہائش گاہ پر بجلی کا جھٹکا لگا۔
اہلکار کے مطابق اسے علاج کے لیے جی ایم سی بارہمولہ منتقل کیا گیا جہاں وہ زخموں کی تاب نہ لاتے ہوئے چل بسا۔
اس دوران پولیس نے اس سلسلے میں نوٹس لے لیا ہے۔
یاد رہے کہ وادی میں حالیہ دنوں میں اس نوعیت کے متعدد واقعات رونما ہو ئے ہیں جن میں محکمہ پی ڈی ڈی سے وابستہ اہلکاروں کے علاوہ عام شہریوں کی بھی موت ہو ئی ہے ۔
