سری نگر میں چاقو حملے میں نوجوان زخمی ، دو ملزمان گرفتار : پولیس

سرینگر//
جموںکشمیر کی گرمائی راجدھانی سری نگر میں بدھ کے روز نوجوان پر چاقو سے حملہ کیا گیا جس کے نتیجے میں وہ زخمی ہوا اور اس کو علاج ومعالجہ کی خاطر نزدیکی ہسپتال منتقل کیا گیا۔
پولیس نے حملے میں ملوث دو نوجوانوں کو حراست میں لے کر مزید تحقیقات شروع کی۔
پولیس کے ایک ترجمان نے ٹویٹ کے ذریعے جانکاری دیتے ہوئے بتایا کہ دو کمسن لڑکوں جو کہ سونہ وار اور راجباغ کے رہنے والے ہیں نے حسیب بٹ ساکن سونہ وار نامی ایک نوجوان پر چاقو سے حملہ کیا جس کے نتیجے میں وہ زخمی ہوا ہے۔
ترجمان نے بتایا کہ پولیس نے اس ضمن میں ایک کیس کوٹھی باغ پولیس اسٹیشن درج کرکے مزید تحقیقات شروع کی۔
پولیس ترجمان کے مطابق حملے میں استعمال ہونے والا آلہ بھی برآمد کرکے ضبط کیا گیا۔انہوں نے کہاکہ حملے میں نوجوان کا بازو زخمی ہوا اور اس کی حالت مستحکم بتائی جارہی ہے۔