پونچھـ:بھاٹہ دوڑیاں کے جنگلی علاقے میں ملی ٹینٹ مخالف آپریشن

جموں//
پونچھ ضلع کے بھاٹہ دوڑیاں علاقے میں سیکورٹی فورسز نے بڑے پیمانے پر تلاشی آپریشن شروع کیا ہے ۔
معلوم ہوا ہے کہ بھاٹہ دوڑیاں کے جنگلی علاقے میں دو مشتبہ افراد کی نقل وحمل کے بعد ملی ٹینٹ مخالف آپریشن شروع کیا گیا۔
اطلاعات کے مطابق پونچھ ضلع کے بھاٹہ دوڑیاں سرحدی علاقے میں سیکورٹی فورسز نے بدھ کے روز تلاشی آپریشن شروع کیا۔
ذرائع نے بتایا کہ چند مقامی لوگوں نے بھاٹہ دوڑیاں کے جنگلی علاقے میں دو مشتبہ افراد کو دیکھا اورفوری طور پر اس بارے میں سیکورٹی فورسز کو جانکاری فراہم کی چنانچہ سلامتی عملے نے علاقے کو محاصرے میں لے لیا۔
ذرائع نے مزید بتایا کہ فوج نے ایک وسیع العریض علاقے کو محاصرے میں لے رکھا ہے ۔
بتادیں کہ۲۰؍اپریل کو بھاٹہ دوڑیاں کے جنگلی علاقے میں ملی ٹینٹوں نے فوج کی ایک گاڑی پر گھات لگا کر حملہ کیا تھا جس کے نتیجے میں پانچ فورسز اہلکار ہلاک ہوئے تھے ۔