رونالڈو کوفری اسٹائل فٹبالر ڈوکم فوک نے روحانی پیشوا قرار دیا

ریاض،// اسٹار فٹبالر کرسٹیانو رونالڈو جو اب سعودی کلب النصر کے اہم رکن ہیں انہیں فری اسٹائل فٹبالر ڈوکم فوک نے روحانی پیشوا قرار دیا ہے ۔
غیر ملکی میڈیا کے مطابق ڈوکم فوک نے اپنے ہم پیشہ اسٹار فٹبالر کو سعودی کلب النصر کا روحانی پیشوا قرار دیا ہے اور کہا ہے کہ وہ ٹریننگ کے دوران ساتھی کھلاڑیوں سے مشفقانہ رویہ اختیار کرتے ہیں ان کی تربیت اور حوصلہ افزائی کرتے ہیں۔
واضح رہے کہ رونالڈو نے گزشتہ سال دسمبر میں النصر کلب سے جون 2025 تک کی مدت کے لیے 200 ملین یورو سے زائد خطیر مالیت کا معاہدہ کیا تھا۔
اسٹار فٹبالر نے اس سیزن میں 16 گیمز میں 14 گول کیے لیکن یہ ان کی ٹیم کو سعودی پرو لیگ (ایس پی ایل) ٹائٹل دلوانے میں ناکام رہے تاہم النصر کی ٹیم روایتی حریف التحاد کے بعد دوسرے نمبر پر رہی۔
گزشتہ دنوں رونالڈو کی جانب سے انٹرویو دیا گیا تھا جس میں انکا کہنا تھا کہ سعودی عرب میں خوش ہوں اور امید کرتا ہوں کہ دوسرے بڑے نام بھی اگلے ایونٹ میں ٹیموں کو جوائن کریں گے ۔