کشتوا ڑ میں ہیڈ ماسٹر معطل‘ سوشل

جموں//
جموںکشمیر کے کشتواڑ ضلع میں ہائی اسکول کے ہیڈ ماسٹر کو سوشل میڈیا سائٹوں پر جعلی مواد پھیلانے کی پادائش میں نوکری سے معطل کردیا گیا ۔
اطلاعات کے مطابق ڈائریکٹر اسکول ایجوکیشن جموں اشوک کمار شرما کی جانب سے جاری کئے گئے ایک حکم نامہ کے مطابق کشتواڑ کے سرتھل علاقے میں قائم ہائی اسکول کے انچارج ہیڈ ماسٹر کو سوشل میڈیا پر جعلی مواد پھیلانے کے الزام میں نوکری سے معطل کیا گیا ہے ۔
معلوم ہوا ہے کہ ڈائریکٹر نے چیف ایجوکیشن آفیسر کشتواڑ کو تحقیقاتی آفیسر مقرر کرکے سات روز کے اندرا ندر رپورٹ پیش کرنے کی ہدایت دی ۔