لاہور//پاکستان کے مشیر کھیل پنجاب وہاب ریاض نے کہا ہے کہ بابراعظم کی کپتانی ابھی اس سطح پر نہیں آئی جتنی سرفراز اور مصباح کی تھی۔
اے آر وائی نیوز کے پروگرام باؤنسر میں میزبان شعیب جٹ سے گفتگو میں وہاب ریاض نے بابراعظم کی کپتانی پر کہا کہ وہ ابھی اتنے پالش نہیں ہوئے جتنے سابقہ کپتان تھے۔
انہوں نے کہا کہ بے شک بابر 4 سال سے کپتان ہیں لیکن بڑا فرق ہوتا ہے جو شخص بچپن سے ہی کپتانی کر رہا ہو کپتانی میں سرفرازاحمد جیسا دماغ ہرکسی کےپاس نہیں ہوتا اور مصباح الحق جیسا کرکٹنگ مائنڈ نہیں ہوتا۔
وہاب ریاض نے کہا ہے کہ سیاست کو دور رکھ کر ہندوستان کو ایشیاکپ کھیلنے پاکستان آنا چاہیے۔ افتخار احمد کے چھ چھکوں پر فاسٹ بولر نے کہا کہ اس سے کوئی فرق نہیں پڑا وہ ایک نمائشی میچ تھا۔
