سرینگر/۲جون
لیفٹیننٹ گورنر‘ منوج سنہا نے جمعہ کو کہا کہ حکومت جموں و کشمیر میں 24 مارچ تک 129 صحت اور فلاح و بہبود کے مراکز کو فعال کرنے کے لئے پوری طرح تیار ہے۔
کشمیر یونیورسٹی میں ایک افتتاحی تقریب کے دوران خطاب کرتے ہوئے، سنہانے کہا کہ اگلے سال مارچ تک 129 صحت اور تندرستی کے مراکز کو آپریشنل کر دیا جائے گا۔انہوں نے یہ بھی کہا کہ مرکزی اسپانسر شدہ اسکیم کے تحت 17 نئی آیوش ڈسپنسریوں کو فعال بنایا گیا ہے اور جاری مالی سال سے مزید 17 ڈسپنسریوں کو فعال بنایا جائے گا۔
ایل جی کاکہنا تھا”جموں اور کشمیر کے پانچ اضلاع بشمول کولگام، کٹھوعہ، کپواڑہ،کشتواڑ اور سانبہ میں، ہم 50 بستروں پر مشتمل انٹیگریٹڈ آیوش ہسپتال قائم کر رہے ہیں۔ 2020 سے COVID-19 کے پھیلنے کے بعد، جموں و کشمیر کی کم از کم نصف آبادی نے انہیں آیوش امیونٹی بوسٹر اور معاون ادویات دی گئی ہیں۔“
کشمیر یونیورسٹی میں حالیہ’وائی ٹونٹی‘ Y20 ایونٹ میٹنگز کے بارے میں بات کرتے ہوئے، سنہا نے کہا کہ ”ایک طویل عرصے کے بعد یا میں کہہ سکتا ہوں کہ پہلی بار، کشمیر یونیورسٹی کو بین الاقوامی ایونٹ منعقد کرنے کا موقع ملا ہے جس میں کشمیر کے لوگوں نے بھر پور حصہ لیا“۔
ایل جی نے کہا کہ ’وائی ٹونٹی‘ ایک شاندار کامیابی تھی اور یہ نہ صرف ہندوستان بلکہ دوسرے ممالک میں بھی شہر کا چرچا بن گیا ہے۔ انہوں نے کہا کہ اس طرح یہ ٹورازم ورکنگ گروپ کی میٹنگ تھی اور مرکزی تقریب گوا میں ہوگی۔
سنہا نے اس عظیم الشان تقریب کو کامیاب بنانے کے لیے گراو¿نڈ تیار کرنے پر کے یو کے وائس چانسلر، اس کی فیکلٹی اور طلبہ کو بھی سراہا۔ سنہا نے کہا”کل بھارت میں دودھ کا عالمی دن منایا گیا۔ آپ کو یہ جان کر خوشی ہو گی کہ حکومت ہند نے اسے سری نگر میں شروع کرنے کا فیصلہ کیا ہے“۔
ایل جی نے بتایا کہ 16 ریاستوں کے وزراءکشمیر میں ہیں۔ انہوں نے کہا کہ مجھے یقین ہے کہ جب بھی ہم یہاں اتنی بڑی تقریبات کا انعقاد کرتے ہیں تو لوگوں کو حکومت پر زیادہ اعتماد اور بھروسہ محسوس ہوتا ہے۔
