وئیر ہاوس جموں میں آتشزدگی تین دکانیں خاکستر

جموں//
جموںکشمیر کی سرمائی راجدھانی جموں کے وئیر ہاوس میں آتشزدگی کی ایک واردات کے دوران تین دکانوں کو نقصان پہنچا۔
اطلاعات کے مطابق پیر کے روز جموں کے وئیر ہاوس میں دکان سے آگ نمودا رہوئی جس نے آناً فاناً اپنے متصل مزید دو دکانوں کو لپیٹ میں لے لیا۔
مقامی لوگوں اور فائر اینڈ ایمرجنسی عملے کی بروقت کارروائی کے نتیجے میں گر چہ آگ پر قابو پایا گیا تاہم آتشزدگی کی اس واردات میں تین دکانوں کو نقصان پہنچا۔
معلوم ہوا ہے کہ آگ کی اس واردات میں لاکھوں روپے مالیت کی املاک تباہ و برباد ہو کر رہ گی۔
پولیس نے آگ لگنے کی وجوہات جاننے کی خاطر کیس درج کرکے مزید تحقیقات شروع کی۔