سرینگر/۱۰مئی
جنوبی کشمیر کے ضلع پلوامہ کے قصبہ ترال میں بدھ کی صبح آگ کی ایک واردات میں ایک جامع مسجد کو کافی نقصان پہنچا۔
ذرائع نے بتایا کہ قصبہ ترال میں جامع مسجد نور الاسلام میں بدھ کی صبح آگ نمودار ہوگئی۔
آگ لگتے ہی مقامی لوگ، پولیس اور فائر ٹنڈرس جائے واردات پر پہنچ کر آگ بجھانے کی کوششوں میں جٹ گئے ۔آگ کو قابو میں کرکے مزید پھیلنے سے روک دیا گیا۔ تاہم آگ سے جامع مسجد کو کافی نقصان پہنچ گیا۔
ذرائع کے مطابق ابتدائی طور پر آگ لگنے کی وجہ شارٹ سرکٹ ہے تاہم اس سلسلے میں تحقیقات کی جار ہی ہے۔
