سرینگر میں بوندا باندی ‘۲۸؍اپریل تک بارشوں کا امکان

سرینگر//
محکمہ موسمیات کی طرف سے بارشوں کی پیش گوئی کے بیچ وادی کشمیر میں شبانہ درجہ حرارت میں بہتری واقع ہوئی ہے ۔
متعلقہ محکمے کے ایک ترجمان نے بتایا کہ وادی میں۲۶سے۲۸؍اپریل تک موسم ابر آلود رہ سکتا ہے جس دوران میدانی علاقوں میں گرج چمک کے ساتھ رک رک کر بارشیں ہوسکتی ہیں جبکہ وادی کے وسطی و شمالی پہاڑی علاقوں میں ہلکی برف باری کا امکان ہے ۔
ترجمان نے کہا کہ اس دوران تیز ہوائیں چل سکتی ہیں اور ژالہ باری بھی متوقع ہے ۔
ان کا کہنا تھا کہ بعد ازاں وادی میں۲۹؍اور۳۰؍اپریل کو بھی موسم ابر آلود ہی رہ سکتا ہے جس دوران کہیں کہیں ہلکی بارش ہوسکتی ہے ۔
دریں اثنا وادی کے شبانہ درجہ حرارت میں بہتری ریکارڈ ہوئی ہے ۔
دارلحکومت سرینگر میں کم سے کم درجہ حرارت۳ء۸ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۱ء۵ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت ۶ء۴ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۲ء۳ڈگری سینٹی گریڈ ریکارڈ ہوا تھا۔
ایک سیاحتی مقام پہلگام میں کم سے کم درجہ حرارت۶ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۵ء۰ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت۲ء۳ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۷ء۳ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت۸ء۴ ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۶ء۳ڈگری سینٹی گریڈ ریکارڈ ہوا تھا۔
یونین ٹریٹری کے ضلع لیہہ میں کم سے کم درجہ حرارت منفی۲ء۱ڈگری سینٹی گریڈ جبکہ ضلع کرگل میں کم سے کم درجہ حرارت۱ء۳ڈگری سینٹی گریڈ ریکارڈ ہوا ہے ۔