پلوامہ میں چوروں نے اے ٹی ایم مشین ہی اڑا لی

سرینگر//
جنوبی کشمیر کے ضلع پلوامہ کے مین ٹاؤن علاقے میں چوروں نے جموں وکشمیر بینک کی اے ٹی ایم مشین کو نقدی رقم سمیت اڑا لیا۔
ذرائع نے بتایا کہ پلوامہ کے مین ٹاون میں دوران شب چوروں نے گورنمنٹ ڈگری کالج کے نزدیک جموں وکشمیر بینک کی اے ٹی ایم مشین کو نقدی رقم سمیت اڑا لیا۔
ذرائع نے کہا کہ تاہم ابھی معلوم نہیں ہو سکا ہے کہ اے ٹی ایم مشین میں کتنی نقدی رقم موجود تھی۔
دریں اثنا پولیس نے اس ضمن میں ایک کیس درج کرکے تحقیقات شروع کی ہے ۔