باغ مہتاب جنسی سکنڈل میں ملوث دو ملزمان پر پبلک سیفٹی ایکٹ عائد

سرینگر//
باغ مہتاب جنسی سیکنڈل کیس میں ملوث دونوں کلیدی ملزموں پر پی ایس اے کے تحت مقدمہ درج کیا گیا۔
پولیس نے ان کی شناخت محمد شفیع حجام ولد عبد الخالق حجام ساکن کریم آباد پلوامہ اور ارشد احمد بٹ ولد محمد شعبان ساکن پامپور پلوامہ کے بطور کی ہے۔
پولیس کے ایک ترجمان نے ٹویٹ کے ذریعے جانکاری دیتے ہوئے بتایا کہ باغ مہتاب جسم فروشی کے دھندے میں ملوث دو ملزمان پر پبلک سیفٹی ایکٹ عائد کیا گیا ہے۔
بتادیں کہ چند روز قبل سرینگر پولیس نے باغ مہتاب میں جسم فروشی کے ریکٹ کا پردہ فاش کرتے ہوئے دو ملزمان اور کئی خواتین کو حراست میں لیا تھا۔بعد ازاں پولیس نے مکا ن مالک کی بھی گرفتاری عمل میں لائی اوراس کے خلاف بھی مقدمہ درج کیا۔
باغ مہتاب جسم فروشی کے اڈے کو بے نقاب کرنے کے بعد سرینگر پولیس نے لوگوں سے اپیل کی کہ وہ کرایہ داروں کے بارے میں نزدیکی پولیس کو جانکاری فراہم کرے۔