سرینگر میں منشیات کی بھاری مقدار ضبط

سرینگر//
جموں و کشمیر پولیس نے جمعرات کے روز سرینگر کے راجباغ علاقے سے دو منشیات اسمگلروں کو گرفتار کرنے کا دعویٰ کیا ہے۔ منشیات فروشوں کے قبضے سے۱۱ کلو گرام ہیراوئن اور بھاری مقدار میں نقدی برآمد کیا گیا ہے۔
کشمیر زون پولیس نے اے ڈی جی پی وجے کمار کا حوالہ دیتے ہوئے کہا کہ سری نگر پولیس نے۲سرحد پار سے منشیات کے اسمگلر سجاد بدانا اور ظہیر تنچ کرناہ کپواڑہ کو گرفتار کیا ہے۔
ٹویٹ میں مزید لکھا گیا ہے کہ منشیات فروشوں کے قبضے سے۰۸۹ء۱۱کلو گرام ہیروئن ضبط کیا گیا ہے، جس کی مالیت بین الاقوامی مارکیٹ میں تقربیاً۷۰کروڑ روپئے ہیں۔اس کے علاوہ گرفتار افراد سے۱۱لاکھ ۸۲ ہزار۵۰۰روپئے نقدی بھی برآمد کیا گیا ہے۔
اس سلسلے میں پولیس نے راجباغ پولیس اسٹیشن میں این ڈی پی ایس ایکٹ کے تحت گرفتار افراد کے خلاف کیس درج کیا ہے۔اے ڈی جی پی کشمیر نے کہا کہ یہ منشیات پاکستان سے آیا تھا۔
واضح رہے کہ جموں و کشمیر پولیس کے ڈی جے پی دلباغ سنگھ نے آج بانڈی پورہ میں میڈیا سے بات کرتے ہوئے کہا کہ پاکستان کی جانب سے ڈرون کے ذریعے بھارتی حدود میں گرائے گئے ہتھیاروں ، نقدی اور ممنوع نشیلی اشیاء کی بھاری کھیپ کو ضبط کیا گیا ہے۔
پولیس سربراہ نے بتایا کہ کپواڑہ ، بارہمولہ ، راجوری اور پونچھ اضلاع میں ڈرون کے ذریعے ہتھیار اور ممنوع نشیلی اشیاء اس طرف بھیجنے کی کوششیں ہو رہی ہیں۔انہوں نے کہا کہ گزشتہ کئی ماہ سے سیکورٹی فورسز نے ڈرون کے ذریعے اس طرف گرائے گئے ہتھیاروں اور نشیلی اشیاء کو برآمد کرکے ضبط کیا۔
ان کے مطابق منشیات کے کاروبارے میں ملوث افراد کا سراغ لگایا جارہا ہے اور ان کے خلاف سخت کارروائی ناگزیر ہے۔انہوں نے کہا کہ جموں وکشمیر میں منشیات کے ناسور کو جڑ سے اکھاڑ پھینکنے کی خاطر جموں وکشمیر پولیس نے بڑے پیمانے پر مہم شروع کی ہے۔