چاڈورہ علاقے میں سڑک حادثہ، پلوامہ کے دو افراد زخمی

سرینگر//
وسطی ضلع بڈگام کے چاڈورہ علاقے میں جمعرات کی صبح ایک سڑک حادثے میں پلوامہ سے تعلق رکھنے والے دو افراد زخمی ہوگئے ۔
سرکاری ذرائع نے بتایا کہ سرائے چاڈورہ کے قیصر ملہ علاقے میں ایک گاڑی سڑک پر لڑھک گئی جس کے نتیجے میں اس میں سوار دو افراد زخمی ہوگئے ۔
زخمیوں کی شناخت بشیر احمد خان اور شکیل احمد پڈرو ساکنان پلوامہ کے بطور ہوئی ہے ۔انہوں نے کہا کہ زخمیوں کو علاج و معالجے کیلئے فوری طور پر سب ضلع ہسپتال چاڈورہ پہنچایا گیا جہاں ان میں سے بشیر احمد کو شری مہاراجہ ہری سنگھ ہسپتال سری نگر ریفر کیا گیا۔