نامور کھلاڑیوں کے وفد کی لیفٹیننٹ گورنر سے ملاقات

جموں//
جموں کشمیر کے نمایاں کھلاڑیوں کے ایک وفد نے آج راج بھون میں لیفٹیننٹ گورنر‘ منوج سنہا سے ملاقات کی ۔
ایس چندیپ سنگھ انٹر نیشنل پیرا تائیکوانڈو میڈلسٹ ، مسٹر دانش شرما بین الاقوامی جوڈو کھلاڑی اور کوچ اور محترمہ اپو جموال ووشو نیشنل میڈلسٹ نے لیفٹیننٹ گورنر سے ملاقات کرتے ہوئے جموں کشمیر کی اسپورٹس پالیسی کے نفاذ پر تبادلہ خیال کیا ۔
سنہا نے نمایاں کھلاڑیوں کو یقین دلایا کہ جموں کشمیر حکومت جموں و کشمیر اسپورٹس پالیسی ۲۰۲۲کے ذریعے کھلاڑیوں کے مفادات کے تحفظ اور ان کی فلاح و بہبود کو فروغ دینے کیلئے پرعزم ہے ۔
دریں اثنا پی او جے کے بے گھر افراد کی تنظیم ایس او ایس انٹر نیشنل کے ایک وفد نے بھی سنہا سے ملاقات کی ۔
اس کے چیئر مین‘ راجیو چونی کی قیادت میں وفد کے ارکان نے یو ٹی انتظامیہ کی طرف سے بے گھر افراد کیلئے شروع کئے گئے فلاحی اقدامات کیلئے پوری پی او جے کے بے گھر کمیونٹی کی جانب سے لیفٹیننٹ گورنر کا شکریہ ادا کیا ۔
چونی نے پی او جے کے بے گھر افراد کے مختلف مسائل پر مشتمل ایک میمورنڈم بھی پیش کیا جس میں پی او جے کے کے ڈی پیز کیلئے پی ایم مرکزی امدادی اسکیم کا مکمل نفاذ اور پی او جے کے بے گھر کمیونٹی کے نوجوانوں کیلئے مسلح افواج میں بھرتی مہم شامل ہے ۔
سنہا نے وفد کے ارکان کو غور سے سُنا اور انہیں یقین دلایا کہ ان کے پیش کردہ مسائل کو حل کرنے کیلئے سنجیدگی سے غور کیا جائے گا ۔