سرینگر شہر میں نائٹ بس سروس شروع

سرینگر//
حکومت کی جانب سے سرینگر میں نائٹ بس سروس شروع کرنے کے فیصلے کے ایک دن بعد، ایس آر ٹی سی بسیں آج سے رات۱۰ بجے تک سری نگر کے دو بڑے روٹس پر دستیاب رہیں گی۔
ریجنل ٹرانسپورٹ آفس (آر ٹی او)، کشمیر کے ایک اہلکار نے کہا کہ ایس آر ٹی سی بسیں آج دوپہر ۲ بجے سے رات۱۰ بجے تک عام لوگوں کے لیے دستیاب رہیں گی۔
یہ فیصلہ کل ڈویڑنل کمشنر کشمیر وی کے بدھوری کی صدارت میں ایک میٹنگ میں لیا گیا۔
میٹنگ کے بعد، آر ٹی او کشمیر نے یہاں ایس آر ٹی سی کے جنرل منیجر کو رات کے اوقات میں عام لوگوں کے لیے بسیں دستیاب کرانے کے سلسلے میں لکھا تھا۔