ہندوارہ میں یو پی اے پی کے تحت شہری کی جائیداد ضبط

سرینگر//
حکام نے جمعہ کو شمالی کشمیر کے ہندواڑہ میں دہشت گردوں کو پناہ گاہ اور لاجسٹک سپورٹ فراہم کرنے والے ایک شخص کی جائیداد ضبط کر لی۔
پولیس کو دیے گئے ایک بیان میں کہا گیا کہ آج یارو میںیو اے (پی)ایکٹ کے تحت جائیداد کی قرقی کے حکم پر عمل درآمد کیا گیا۔
یارو کے رہائشی محمد عبداللہ میر ولد خضر محمد میر کے خلاف، دہشت گردوں کو رسد اور پناہ گاہ فراہم کرنے میں ملوث ہونے کے الزام میں ڈویڑنل کمشنر، کشمیر کے دفتر نے جائیداد کی قرقی کے حکم کی تصدیق کی تھی، جس کے سلسلے میں ایف آئی آرپولیس اسٹیشن ہندواڑہ میں درج کی گئی تھی۔
واضح رہے کہ کچھ روز قبل ایس آئی یو نے اننت ناگ میں عسکریت پسندانہ سرگرمیوں میں ملوث ایک ملزم کے گھر کو ضبط کرلیا۔ایس آئی یو نے ایگزیکٹیو مجسٹریٹ کی موجودگی میں محمد اسحاق ملک ولد محمد سیف اللہ ملک ساکنہ دھنویٹھ پورہ کوکرناگ کے گھر کو جو مبینہ طور پر عسکریت پسند سرگرمیوں میں ملوث تھا کے رہائشی مکان کو منسلک کیا ہے۔ ایس آئی یو نے اسے دفعہ ۲۵ یو پی اے کے تحت منسلک کیا ہے۔
بتادیںکہ وزارت داخلہ نے حال ہی میں جموں و کشمیر پولیس کو ایسے عسکریت پسندوں کے خلاف کارروائی شروع کرنے کی ہدایت دی جو پاکستان میں مقیم ہے اور جموں و کشمیر میں عسکری کارروائیوں کرارہے ہیں۔
اس سلسلے میں جموں کشمیر پولیس نے تقریباً۱۶۸ عسکریت پسندوں کی جائیدادوں کو ضبط کرنے کا عمل شروع کیا ہے جن کا تعلق مختلف اضلاع سے ہے۔ان عسکریت پسندوں میں ڈوڈہ سے ۱۱۸‘ کشتواڑ سے ۳۶؍ اور راجوری اور پونچھ اضلاع سے۱۴ شامل ہیں۔