محکمہ صحت میں ’غیر قانونی‘ بھرتیوں کی تحقیقات کیلئے کمیٹی کا قیام

جموں//
حکام نے ہفتہ کو محکمہ صحت اور طبی تعلیم(ایچ اینڈ ایم ای)جموں کشمیر میں ۲۲۷۴؍ اور دیگر ’غیر قانونی‘ تقرریوں کی تحقیقات کے لیے ایک کمیٹی قائم کی ہے۔
ایک سرکاری حکم کے مطابق، کمیٹی کی سربراہی ڈائریکٹر فنانس ایچ اینڈ ایم ای کریں گے اور چار دیگر ممبران ہوں گے۔
حکم نامے میں کہا گیا ہے ’’محکمہ صحت میں غیر قانونی تقرریوں کی نشاندہی کرنے اور ان پر نظرثانی کی مشق کی نگرانی کیلئے کمیٹی کی تشکیل کی منظوری دی گئی ہے جیسا کہ آڈٹ اینڈ انسپکشن ڈیپارٹمنٹ اور دیگر تمام غیر قانونی تقرریوں کی اطلاع ہے‘‘۔
کمیٹی کو ہدایت دی گئی ہے کہ وہ ۲۲۷۴ ملازمین کے معاملے کو یکساں معیار کے تحت حل کرنے کیلئے ایک بار پالیسی فیصلہ کرے۔
غیر قانونی تقرریوں میں ملوث افسران اور اہلکاروں کے خلاف بھی فیصلہ کیا جائے گا۔
ڈائریکٹر فنانس ایچ اینڈ ایم ای اس کے چیئرمین ہوں گے، جبکہ حکومت کے ایڈیشنل سیکریٹری ایچ اینڈ ایم ای (ایچ آر ایم)، ایڈیشنل سیکریٹری محکمہ (قانون) ایچ اینڈ ایم ای کے انڈر سیکریٹری ‘ایچ اینڈ ایم ای (ایچ آر ایم) اور سیکشن آفیسر، ایچ اینڈ ایم ای (ایچ آر ایم) اس کے ممبر ہوں گے۔
کمیٹی کو۳۰ دن میں رپورٹ پیش کرنے کا کہا گیا ہے۔