کشمیری پنڈت کی ہلاکت کے خلاف جموں اور سرینگر میں احتجاج

سرینگر//
پلوامہ میں کشمیری پنڈت کی ہلاکت کے خلاف جموںکشمیر کے اطرا ف و اکناف میں پیر کے روز لوگوں نے سڑکوں پر آکر احتجاجی مظاہرے کئے ۔
اطلاعات کے مطابق پیر کے روز جموںکشمیر کے بیشتر اضلاع میں مختلف سیاسی پارٹیوں اور عام لوگوں نے کشمیری پنڈت کی ہلاکت کے خلاف احتجاج کیا۔
معلوم ہوا ہے کہ جموں میں بی جے پی سمیت مختلف سیاسی پارٹیوں کے کارکنوں نے پیر کے روز کشمیری پنڈت کی ہلاکت کے خلاف احتجاج کیا۔
مظاہرین نے اس موقع پر کہاکہ پلوامہ میں کشمیری پنڈت کی ہلاکت میں ملوث ملی ٹینٹوں کو جلدا زجلد کیفر کردار تک پہنچانے کی ضرورت ہے ۔انہوں نے بتایا کہ ملی ٹینٹوں نے ایک غریب کنبے کے واحد کفیل کا قتل کیا لہذا اس کی جتنی بھی مذمت کی جائے کم ہے ۔
دریں اثنا کشمیرصوبے میں بھی بھارتیہ جنتاپارٹی کے کارکنوں نے ہلاکت کے خلاف احتجاج کیا۔
سری نگر میں بھاجپا کارکنوں نے سڑکوں پر آکر احتجاجی مظاہرئے کئے ۔مظاہرین نے الزام لگایا کہ پاکستان کی ایما پر جموںکشمیر میں گنگا جمنا تہذیب کو زک پہنچانے کی خاطر عام شہریوں کا قتل کیا جارہا ہے ۔انہوں نے بتایا کہ پلوامہ میں کشمیری پنڈت کی ہلاکت ناقابل برداشت ہے اور بہت جلد ملوثین کو کیفر کردار تک پہنچایا جائے گا۔
سرمائی راجدھانی جموں میں بھی بجرنگ دل ، بی جے پی اور شیو سینا نے کشمیری پنڈت کی ہلاکت کے خلاف سڑکوں پر آکر احتجاج کیا اور الزام لگایا کہ ہمسایہ ملک یوٹی میں حالات کو درہم برہم کرنے کی خاطر مختلف حربے آزما رہا ہے ۔