کوہلی نے ’فیلڈز آف ڈریمز‘ پروجیکٹ کی جم کر تعریف کی

نئی دہلی// ہندوستان کے سابق کپتان اور انڈین سپر لیگ میں ایف سی گوا کے شریک مالک وراٹ کوہلی نے فورسا گوا فاؤنڈیشن اور ڈیلٹا کارپ کے پروجیکٹ ’فیلڈز آف ڈریمز‘ کے لیے اپنی حمایت کا اظہار کیا ہے۔
ہندوستان میں زمینی سطح پر فٹبال میں سب سے بڑے انقلاب کی شروعات کرنے کے مقصد سے فورسا گوا فاؤنڈیشن نے اس ماہ کے شروع میں ڈیلٹا کارپ لمیٹیڈ کے ساتھ فیلڈز آف ڈریمز پروجیکٹ کا آغاز کیا۔ اس پروجیکٹ میں گوا میں جدید ترین فٹ بال گراؤنڈز ہوں گے، ایسا ہندوستانی فٹ بال کی تاریخ میں پہلی مرتبہ ہوگا۔
وراٹ کوہلی نے جمعہ کو کہا ’’چھ سال پہلے فورسا گوا فاؤنڈیشن شروع کیا گیا تھا، جس نے ہندوستان میں زمینی سطح پر فٹ بال میں کام کرنا شروع کیا تھا۔ فاؤنڈیشن گوا میں مختلف مقامات پر پچوں میں سرمایہ کاری کرکے انقلاب لایا اور نوجوانوں کے خوابوں کو زندہ رکھا۔ کسی بھی کھیل کی ترقی یا اس کھیل میں عالمی معیار بننے کے لیے بنیادی ڈھانچہ اہم ضرورت ہے۔
انہوں نے کہا کہ میں دہلی میں پلا بڑھا ہوں۔ مجھے بہترین سہولیات تک پہنچنے کے لیے چیلنجز کا سامنا کرنا پڑا۔ میں کم از کم خوش قسمت تھا کہ مجھے اپنے کوچنگ سنٹر میں کھیلنے کا موقع ملا، لیکن ساتھ ہی میں نے دیکھا کہ میرے اردگرد کے بہت سے بچوں کو ایسا موقع نہیں مل سکا۔ مواقع کی کمی ایک نوجوان کھلاڑی کے خواب کو ختم کر دیتی ہے۔‘‘
کوہلی نے کہا کہ ایک کہاوت ہے کہ خواب میں ہم اپنے مستقبل کے بیج بوتے ہیں۔ مجھے اپنے کلب ایف سی گوا اور فورسا گوا فاؤنڈیشن کے ’فیلڈز آف ڈریمز‘ پروجیکٹ پر بہت فخر ہے۔ ہم اس شاندار اقدام کی حمایت کرنے کے لیے سبھی کا شکریہ ادا کرتے ہیں۔‘‘