چیف سیکریٹری کا تمام حالات میں سرینگر‘جموںقومی شاہراہ پر سفر کا وقت کم کرنے کی ہدایت

جموں//
چیف سیکریٹری‘ ڈاکٹر ارون کمار مہتا نے آج ٹریفک حکام کے ساتھ ایک میٹنگ میں یہ واضح کیا کہ کسی بھی صورت میں ہلکی موٹرگاڑیوں کیلئے جموںوکشمیر یوٹی کے دونوں دارالخلافائی شہروںکے درمیان سفر کا وقت ۷گھنٹے سے زیادہ نہیں ہونا چاہیے۔
اِن باتوں کا اِظہار چیف سیکریٹری نے آج دونوں شہروں سمیت اِس سڑک پر ٹریفک کی صورتحال کا جائزہ لینے کے لئے طلب کی گئی میٹنگ میں کیا۔
ڈاکٹر مہتا نے ٹریفک حکام کو ایک شہر سے دوسرے شہرتک پہنچنے میں لگنے والے حقیقی وقت کے بارے میں روزانہ رِپورٹ پیش کرنے کا حکم صادر کیا۔ اُنہوں نے اَفسران سے کہا کہ ٹریفک کے بہتر اِنتظام کے لئے سڑک کے تمام تباہ شدہ حصوں پر اَپنی نفری میں اِضافہ کریں۔ اُنہوں نے اُن پر ز ور دیا کہ وہ کسی بھی رُکاوٹ کی وجہ سے ٹریفک کو ٹھپ نہ ہونے دیں ۔ اُنہوں نے اَفسران سے کہا کہ اس سڑک پر گاڑیوں کی ہموار آمد ورفت کے لئے ہر قیمت پر موسم کی خرابی کی وجہ سے تباہ شدہ سڑک کی سطح کو بہتر بنایا جائے۔
چیف سیکرٹری نے اَفسران پر زور دیا کہ وہ سڑک کے کنارے پارکنگ جو ٹریفک کی روانی میں رُکاوٹ بنتے ہیں اس کے خلاف زیروٹالرنس کا مظاہرہ کریں۔ اُنہوں نے تمام خلاف ورزی کرنے والوں سے نمٹنے کے لئے سخت ضابطے بنانے کی ہدایت دی۔ اُنہوں نے ان سے کہا کہ وہ ٹریفک پولیس اہلکاروں کو مصروف مقامات جیسے بازاروں وغیرہ پر تعینات کریں تاکہ قومی شاہراہ پر مسلسل چوکسی اور ٹریفک کے بہتر اِنتظام ہوں۔
ڈاکٹر مہتا نے اس وقت جاری مختلف پروجیکٹوں پر تعمیراتی کاموں کا بھی جائزہ لیا۔ اُنہوں نے اَفسران پر زور دیا کہ وہ ۱۵؍مارچ تک قومی شاہراہ کے پنتھیال حصے پر ٹی۵ ٹنل۳۱؍ مارچ تک جیسوال پُل اور رام بن فلائی اوور اور بانہال بائی پاس کو اس برس ۱۵ ؍ اپریل تک ڈبل لین کے ذریعے کھولنے کی ہرممکن کوشش کریں۔ اُنہوں نے اُنہیں مشورہ دیا کہ وہ بغیر کسی ناکامی کے ان ڈیڈ لائن کو پورا کرنے کے لے کام کی رفتار کو تیز کریں ۔ اُنہوں نے سیکرٹری ٹرانسپورٹ اور آئی جی ٹریفک سے بھی کہا کہ وہ اس سڑک پر گاڑیاں چلائیں تاکہ سڑک کو بہتر اور محفوظ بنانے کے لئے کئے جانے والے اقدامات کے بارے میں بہتر اَندازہ ہو۔
چیف سیکریٹری نے شاہراہ کے پورے حصے میں تمام راستے کی سہولیات جیسے واش روم وغیرہ کو فعال بنانے پر بھی زور دیا ۔ اُنہوں نے اِس سڑک پر متعدد مقامات پر ٹرک ہولڈنگ ائیریاز کی صورتحال کے بارے میں معلومات حاصل کیں۔اُنہوں نے ان سے کہا کہ رامسو میں بھی ایسی ہی ایک او رسہولیت تلاش کریں ۔ اُنہوں نے اُنہیں رام بن کے قریب اِضافی بیلی برج کے لئے جلد از جلد ڈی پی آر تیار کرنے کا مشورہ دیا تاکہ اس برس مارچ تک اس پر شروع کیاجائے۔
ڈاکٹر مہتا نے دونوں دارالخلافائی سڑکوں پر ٹریفک کی صورتحال کا جائزہ لیتے ہوئے متعلقہ حکام کو ہدایت دی کہ انٹلی جنٹ ٹریفک مینجمنٹ سسٹم ( آئی ٹی ایم ایس) کے مکمل مرحلے کو ۷دِنوں کے اَندر فعال بنایا جائے ۔ اُنہوں نے ان سے کہا کہ وہ خلاف ورزی کرنے والوں او راِی۔ چالان کی تلاش کے لئے سسٹم کے سی سی ٹی وی نیٹ ورک کا اِستعمال کریں۔
چیف سیکرٹری نے ٹریفک حکام کی درخواست پر اِنتظامیہ سے کہا کہ وہ ۱۵ مارچ تک جموں ، سرینگر ہائی وے پر ہرہفتے ایک دِن کے لئے ٹریفک تعطیل کے اِمکان پر غور کرے تاکہ کچھ اہم مرمت اور مرمت کے لئے اس کا بہتر اِستعمال کیا جاسکے ۔