انقرہ/19 فروری
ترکی میں 6 فروری کو آنے والے دو تباہ کن زلزلوں میں مرنے والوں کی تعداد بڑھ کر 40,642 ہو گئی ہے ۔
ملک کی ڈیزاسٹر ایجنسی نے ہفتہ کو یہ اطلاع دی۔
ڈیزاسٹر اینڈ ایمرجنسی مینجمنٹ اتھارٹی (اے ایف اے ڈی) کے سربراہ یونس سیزر نے ایک نیوز کانفرنس کو بتایا کہ اتوار کی شام تک تلاش اور بچا¶ کی کوششیں بڑی حد تک مکمل ہو جائیں گی۔
سیزر نے کہا کہ ہنگامی کام جنوبی صوبہ ہٹے میں مرکوز تھا، جو زلزلے سے سب سے زیادہ متاثر ہوا ہے ۔ انہوں نے کہا کہ ڈیزاسٹر ایجنسی کے علاقے میں تقریباً 13,000 اہلکار کام کر رہے ہیں اور کل 430,000 افراد کو زلزلہ زدہ علاقے سے نکالا گیا۔
اس دوران جنوبی ترکی میں تباہ کن زلزلے کے 296 گھنٹے بعد ہفتے کے روز تین زندہ بچ جانے والوں کو بچا لیا گیا۔
مقامی میڈیا کی رپورٹوں کے مطابق، ہتاے کے وسطی انتاکیا ضلع میں سرچ اینڈ ریسکیو ٹیموں نے زلزلے کے 12 دن بعد ایک تباہ شدہ عمارت سے تین زندہ بچ جانے والوں کو تلاش کر کے بالآخر بچا لیا۔
زندہ بچ جانے والے تینوں، ایک بچہ، ایک عورت اور ایک مرد، کو مقامی ہسپتال بھیج دیا گیا، اور ان کی شناخت کی تصدیق ہونا باقی ہے۔
