حج ۲۰۲۳:خواہشمند لوگ ۱۰ مارچ تک آن لائن فارم داخل کرسکتے ہیں

سرینگر//
حج ۲۰۲۳ کے تحت حج کمیٹی آف انڈیا نے آج سے آن لائن فارم بھرنے کا آغاز کیا ۔ فارم داخل کرنے کی آخری تاریخ ۱۰مارچ ۲۰۲۳ ہے ۔
حج کمیٹی کے سی ای او یعقوب شیخ نے کہا ہے کہ آج سے آن لائن فارم بھرنے کا آغاز کیا جا رہا ہے اور ہم پوری طرح سے عازمین کی خدمات کیلئے تیار ہیں۔ آن لائن فارم بھرنے کے دوران لوگوں کو پریشانیوں کا سامنا نہ کرنا پڑے اس کیلئے حج فارم سے متعلق ساری معلومات موبائل فون پر مہیا کی گئی ہیں تاکہ کسی کے پاس اگر کمپیوٹر نہ ہو تو وہ موبائل فون سے بھی اپلیکیشن دے سکتا ہے۔
شیخ نے مزید کہا کہ کہا کہ اس بار عازمین کو یہ سہولت دی گئی ہے کی وہ کہاں سے جانا چاہتے ہیں اْنکے سہولت کے حساب سے اْنہیں اسی امبارگشن پوائنٹ سے روانہ کیا جائیگا ۔
جو لوگ حج۲۰۲۳پر جانے کے خواہشمند ہیں ،وہ درخواست دے سکتے ہیں ۔درخواست گذار کے پاس۱۰مارچ۲۰۲۳یا اس سے پہلے کا جاری کردہ ا مشین ریڈیبل پاسپورٹ ہونا چاہیے جس کی میعاد کم از کم ۳فروری۲۰۲۴یا اس کے بعد کی رتاریخ کا جاری کیا گیا ہونا لازمی ہے ۔
درخواست کے ساتھ پاسپورٹ سائز فوٹو، آدھار کارڈ، کورونا ویکسین سرٹیفکٹ اورگروپ لیڈر کا بینک اکاونٹ کا کینسل چیک ہونا بھی لازمی ہے ۔ ایک گروپ میں زیادہ سے زیادہ۴لوگ درخواست دے سکتے ہیں۔ اس کے علاوہ۴۵سال سے زیادہ عمر کی خواتین اکیلی بھی درخواست دینے کی اہل ہونگی۔
حج کیلئے۲۵؍ امبارگشن پوائنٹ بنائے گئے ہیں اور اس بار عازمین کی عمر کی میعاد بھی ختم کر دی گئی۔
خواتین، بچوں اور معذوروں پر خاص خیال رکھا گیا ہے اْنہیں خاص سہولتیں دی جائیگی۔لیکِن ویکسین ہر ایک کے لئے ضروری قرار دیا گیا ہے۔
حکومت نے۸۰فیصد کوٹہ حج کمیٹی کے لئے مختص کیا ہے جبکہ پہلے یہ بتایا گیا ہے کہ ایک لاکھ ۷۵ ہزار ۲۵ عازمین اس بار حج کے لیے روانہ کئے جائینگے۔
بتا دیں حج کی پالیسی میں تاخیر کے سبب اب حج کمیٹی کے سر پر بہت ساری ذمہ داریاں ہیں اور وقت کم ہے، اس لئے رواں برس حج کمیٹی آف انڈیا کے لیے کسی چیلنج سے کم نہیں ہے
شیخ نے کہا کہ ہم اپنی ذمیداریاں پوری طرح سے نبھا رہے ہیں اور ہر ممکن کوشش کر رہے ہیں کہ عازمین کو کسی طرح کی پریشانیوں کا سامنا نہ کرنا پڑے۔