لوہے کی سلاخ لگنے سے ڈرائیور از جان

سرینگر//
وسطی کشمیر کے گاندربل ضلع کے سونہ مرگ علاقے میں زیرتعمیر ٹنل کے نزدیک لوہے کی سلاخ سے ٹکرانے کے نتیجے میں ڈرائیور کی برسر موقع ہی موت واقع ہوئی۔
ذرائع نے بتایا کہ سیاحتی مقام سونہ مرگ میں زیر تعمیر ٹنل کے نزدیک ڈرائیور ٹرک سے لوہا اتار رہا تھا جس دوران لوہے کی ایک سلاخ ڈرائیور کو لگ گئی جس کے نتیجے میں وہ شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی ڈرائیور کو علاج ومعالجہ کی خاطر نزدیکی ہسپتال منتقل کیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت بلوندر سنگھ کے بطور ہوئی ہے ۔
پولیس نے معاملے کی نسبت کیس درج کرکے مزید تحقیقات شروع کی ۔