سرینگر/۶فروری
پولیس نے پیر کو پلوامہ کے ایک نوجوان کے جنگجو¶ں کی صفوں میں شامل ہونے کی رپورٹ کو مسترد کیا۔
ایک پولیس ترجمان نے اپنے ایک بیان میں کہا کہ پلوامہ کے مرن علاقے سے تعلق رکھنے والے گوہر نبی ولد غلام نبی نامی ایک طالب علم کی تصویر سوشل میڈیا پلیٹ فارمز پر وائرل کی گئی اور یہ دعویٰ کیا گیا کہ وہ جنگجو¶ں کی صفوں میں شامل ہوا ہے ۔
ترجمان نے کہا کہ تحقیقات کے دوران معلوم ہوا کہ مذکورہ نوجوان کسی جنگجو تنظیم میں شامل نہیں ہوا ہے بلکہ وہ بھٹنڈہ پنجاب میں بی ایس سی کارڈیالوجی کی تعلیم حاصل کر رہا ہے ۔
بیان میں کہا گیا کہ مذکورہ طالب علم نے خود بھی ایک ویڈیو کلپ ریکارڈ کی ہے جس میں انہوں نے ان دعو¶ں کی تردید کی ہے ۔
ترجمان نے کہا کہ پلوامہ پولیس نے اس ضمن میں تحقیقات شروع کی ہے تاکہ ان لوگوں کی شناخت اور گرفتاری عمل میں لائی جا سکے جنہوں نے مذکورہ نوجوان کی تصویر سوشل میڈیا پلیٹ فارمز پر وائرل کرکے اس پر جھوٹا الزام عائد کیا ہے ۔
پولیس ترجمان نے کہا کہ پولیس نے شر پسندوں کومتنبہ کرتی ہے کہ اس نوعیت کا اشتعال انگیز مواد شےئر کرنے سے گریز کریں۔
