لیفٹیننٹ گورنر کا یوم جمہوریہ کے سلسلے میں ’ایٹ ہوم ‘‘ کا اِنعقاد

جموں//
لیفٹیننٹ گورنر‘ منوج سنہا نے۷۴ویں یوم جمہوریہ کے موقعہ پر راج بھون میں ’ایٹ ہوم‘ کا انعقادکیا۔
لیفٹیننٹ گورنر نے زندگی کے مختلف شعبوں سے تعلق رکھنے والے مدعو اَفراد سے بات چیت کی اور اُنہیں یوم جمہوریہ کی مبارک باد دی۔
جموںوکشمیر پولیس کے شہدأ کے لواحقین ، سیکورٹی فورسز ، سابق فوجی اور جموںوکشمیر کے تبدیلی لانے والے خصوصی مدعو اَفراد میں شامل تھے۔
جموںوکشمیر اور لداخ ہائی کورٹ کے قائمقام چیف جسٹس ، جموںوکشمیر کے چیف الیکشن کمشنر ، یونیورسٹیوں کے وائس چانسلرز ، سابق قانون ساز وں ، پی آر آئی اور یو ایل بی کے نمائندے ، مختلف سماجی اور سیاسی آرگنائزیشنوں کے سربراہان اور نمائندے، معزز شہری ، نیشنل ایوارڈ یافتہ ، ممتاز فن کاروں ، کھلاڑی ، میڈیا اَفراد ، اعلیٰ سول ، پولیس اور آرمی اَفسران اور اعلیٰ سرکاری اَفسران نے شرکت کی۔
دریں اثناصوبائی کمشنر کشمیر پانڈورانگ کے پولے نے آج یہاں شیرِ کشمیر اِنٹرنیشنل کنونشن سینٹر ( ایس کے آئی سی سی )میںعصرانہ ‘‘ کی میزبانی کی۔
اِس موقعہ پر لیفٹیننٹ گورنر کے مشیر راجیور ائے بھٹناگر مہمان خصوصی تھے۔تقریب میں میئر ایس ایم سی جنید عظیم متو،اے ڈی جی پی کشمیر وِجے کمار، ضلع ترقیاتی کمشنر سری نگر محمد اعجاز اسد ، مختلف محکموں کے سربراہان ، پی آر آئی کے نمائندے ، مختلف سماجی اور سیاسی آرگنائزیشنوں کے رہنما،معزز شہریوں اور اعلیٰ سرکاری اَفسران نے شرکت کی۔
’ عصرانہ ‘ میں نوجوان کاروباریوں ، ترقی پسند کسانوں ، نیشنل ایوارڈ یافتہ اَفراد ، ممتاز فن کاروں ، کھلاڑی ، سینئر سول ، پولیس ، فوجی اَفسران اور سابق فوجیوں نے بھی شرکت کی۔
بعد میں مشیر راجیو رائے بھٹناگر نے صوبائی کمشنر کشمیر اور اے ڈی جی پی کے ہمراہ مہمانوں سے بات چیت کی اور یوم جمہوریہ کی مبارک باد دی ۔