ممبئی//ہندوستان نے پرتھوی شا کو نیوزی لینڈ کے خلاف جنوری کے آخر میں شروع ہونے والی ٹی 20 آئی سیریز کے لیے 16 رکنی ٹیم میں شامل کیا ہے۔
بورڈ آف کنٹرول فار کرکٹ ان انڈیا نے جمعہ کو یہ اطلاع دی۔
شا کی 18 ماہ کے وقفے کے بعد ٹی 20 اسکواڈ میں واپسی ہوئی ہے، جبکہ انہوں نے جولائی 2021 میں سری لنکا کے خلاف ہندوستان کے لیے آخری ٹی 20 میچ کھیلا تھا۔
شا ڈومیسٹک کرکٹ میں اچھی فارم میں ہیں اور رنجی ٹرافی کے حالیہ مقابلے میں انہوں نے 379 رنز بنائے۔ ممبئی کے دھماکہ خیز سلامی بلے باز شا نے سید مشتاق علی ٹرافی 2022 میں بھی 181.42 کے اسٹرائیک ریٹ سے 332 رنز بنائے، جس میں ایک سنچری شامل تھی۔
وراٹ کوہلی اور روہت شرما کی جوڑی ٹی 20 سیٹ اپ سے باہرہی ہے جبکہ ہاردک پانڈیا ایک اور سیریز میں ہندوستان کی قیادت کر رہے ہیں۔ سری لنکا کے خلاف پہلے ٹی20 کے دوران انجری کا شکار ہونے والے سنجو سیمسن ٹیم سے باہر ہیں جبکہ نوجوان وکٹ کیپر بلے باز جیتیش شرما اسکواڈ میں جگہ بنانے میں کامیاب رہےہیں۔ سری لنکا کے خلاف ٹی ٹوئنٹی سیریز میں ٹیم کا حصہ رہنے والے تیز گیند باز ہرشل پٹیل کو بھی اسکواڈ سے باہر رکھا گیا ہے۔
بی سی سی آئی کے سیکریٹری جے شاہ نے ٹی 20 اور ایک روزہ سیریز کے لیے اسکواڈ کا اعلان کرتے ہوئے کہا کہ کے ایل راہل اور اکشر پٹیل خاندانی وابستگیوں کی وجہ سے دستیاب نہیں ہیں۔ نتیجتاً کے ایس بھرتھ اور شہباز احمد کو ایک روزہ اسکواڈ میں شامل کیا گیا ہے جبکہ کلدیپ یادو نے ٹی ٹوئنٹی اسکواڈ میں جگہ بنائی ہے۔
شاردل ٹھاکر نے ون ڈے اسکواڈ میں جگہ بنائی ہے جبکہ ارشدیپ سنگھ صرف ٹی ٹوئنٹی اسکواڈ کا حصہ ہیں۔
ہندوستان اور نیوزی لینڈ کے درمیان تین ایک روزہ میچ 18 جنوری سے کھیلے جائیں گے، جبکہ ٹی ٹوئنٹی سیریز کا آغاز 27 جنوری سے ہوگا۔
نیوزی لینڈ سیریز کے لیے ہندوستان کی ون ڈے ٹیم: روہت شرما (کپتان)، شبھمن گل، ایشان کشن (وکٹ کیپر)، وراٹ کوہلی، شریاس آئیر، سوریہ کمار یادو، کے ایس بھرت (وکٹ کیپر)، ہاردک پانڈیا (نائب کپتان)، واشنگٹن سندر، شہباز احمد، شاردل ٹھاکر، یزویندر چہل، کلدیپ یادو، محمد شامی، محمد سراج، عمران ملک۔
ٹی ٹوئنٹی اسکواڈ: ہاردک پانڈیا (کپتان)، سوریہ کمار یادو (نائب کپتان)، ایشان کشن (وکٹ کیپر)، رتوراج گائیکواڑ، شبھمن گل، دیپک ہڈا، راہل ترپاٹھی، جیتیش شرما (وکٹ کیپر)، واشنگٹن سندر، کلدیپ یادو، یزویندر چہل، ارشدیپ سنگھ، عمران ملک، شیوم ماوی، پرتھوی شا، مکیش کمار۔
دریں اثنا، بی سی سی آئی نے آسٹریلیا کے خلاف اگلے ماہ شروع ہونے والی ٹیسٹ سیریز کے لیے بھی اسکواڈ کا اعلان کر دیا۔ اس ٹیم میں نوجوان وکٹ کیپر بلے باز ایشان کشن اور دھماکہ خیز مڈل آرڈر بلے باز سوریہ کمار یادو کو شامل کیا گیا ہے۔
ہندوستان 9 فروری سے ناگپور میں پہلے ٹیسٹ میں آسٹریلیا کا سامنا کرے گا۔
آسٹریلیا کے خلاف پہلے دو ٹیسٹ کے لیے ہندوستانی ٹیم: روہت شرما (کپتان)، کے ایل راہل (نائب کپتان)، شبھمن گل، چیتشور پجارا، وراٹ کوہلی، شریاس آئیر، کے ایس بھرت (وکٹ کیپر)، ایشان کشن (وکٹ کیپر)، روی چندرن اشون ، اکشر پٹیل، کلدیپ یادو، روندرا جڈیجہ، محمد شامی، محمد سراج، امیش یادو، جے دیو انادکٹ، سوریہ کمار یادو۔