جسٹس ماگرے اورجموںوکشمیر بینک کے ایم ڈی اور سی اِین او کی ایل جی سے ملاقات

جموں//
جموںوکشمیر اور لداخ ہائی کورٹ کے سابق چیف جسٹس ، جسٹس علی محمد ماگر ے اور جموںوکشمیر بینک کے ایم ڈی اور سی اِی اور بلدیو پرکاش نے آج یہاں راج بھون میں لیفٹیننٹ گورنر منوج سِنہا سے ملاقات کی۔
بلدیو پرکاش نے لیفٹیننٹ گورنر کو جموںوکشمیر کے لوگوں کو فراہم کی جانے والی مالی خدمات کے بارے میں جانکاری دی اور حکومت کی مختلف سکیموں کے تحت جو روزگار پیدا کرنے اور کاروباری اَفراد کو سہولیت فراہم کرنے کے لئے چلائی جارہی ہیں کے بارے میں بتایا۔
لیفٹیننٹ گورنر نے ایم ڈی اور سی اِی او پر زور دیا کہ وہ لوگوں کو معیاری مالی خدمات کی فراہمی کو جاری رکھیں اور مختلف سکیموں کے تحت فوائد کو یقینی بنانے کے لئے پنشن وغیرہ کو دُور دراز دیہاتوں میں رہنے والے مستفید اَفراد کو تیزی سے اور زیادہ مؤثر طریقے سے فراہم کیا جائے ۔