آج اور کل بالائی علاقوں میں ہلکی برفباری‘میدانی علاقوں میں بارشوں کا امکان

سرینگر//
وادی کشمیر میں خشک موسم کے بیچ محکمہ موسمیات نے جمعرات اور جمعہ کو بالائی علاقوں میں ہلکی برفباری جبکہ میدانی علاقوں میں بارشوں کی پیشگوئی کی ہے۔
محکمہ موسمیات کے ڈپٹی ڈائریکٹر ڈاکٹر مختار احمد نے کہا کہ۲۹؍اور ۳۰دسمبر کو موسم میں تبدیلی متوقع ہے۔ انہوں نے کہا کہ بالائی علاقوں میں ہلکی سے درمیانہ درجے کی برفباری متوقع ہے جبکہ بعض میدانی علاقوں میں بھی موسم میں تبدیلی کی توقع ہے۔
احمد نے مزید کہا وادی کشمیر میں فی الوقت بڑے پیمانے پر موسم خراب ہونے کا کوئی امکان نہیں ہے تاہم ہلکی برف باری اور درجہ حرارت نقطہ انجماد سے نیچے درج ہونے سے زوجیلا، سنتھن ٹاپ، گریز بانڈی پورہ روڑ پر ٹرانسپورٹ کی نقل و حمل متاثر ہونے کا امکان ہے۔
محکمہ موسمیات کے ڈپٹی ڈائریکٹر نے مزید کہا جمعہ بعد دوپہر موسم میں بہتری کا امکان اور چار جنوری ۲۰۲۳تک موسم خشک رہنے کا قوی امکان ہے۔ انہوںنے شبانہ درجہ حرارت مسلسل نقطہ انجماد سے نیچے رہنے کی بھی پیشگوئی کی۔
اس دوران محکمہ موسمیات کے ایک ترجمان کے مطابق سرینگر میں کم سے کم درجہ حرارت منفی۶ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۴ڈگری سینٹی گریڈ ریکارڈ ہوا تھا۔
سرینگر میں۲۵دسمبر کو رواں سیزن کی سرد ترین رات ریکارڈ ہوئی تھی جب کم سے کم درجہ حرارت منفی۸ء۵ڈگری سینٹی گریڈ ریکارد ہوا تھا۔
سیاحتی مقام گلمرگ میں کم سے کم درجہ حرارت منفی۰ء۶ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۹ء۵ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۴ء۷ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۷ء۶ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۵ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۸ء۴ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۰ء۵ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۶ء۳ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت منفی۴ء۱۳ڈگری سینٹی گریڈ ریکارڈ کیا گیا جبکہ ضلع کرگل میں کم سے کم درجہ حرارت منفی۸ء۱۱ڈگری سینٹی گریڈ ریکارڈ ہوا تھا۔
بتادیں کہ وادی چالیس روزہ چلہ کلان ۲۱ دسمبر سے شروع ہو کر۳۱جنوری کو اختتام پذیر ہوجاتا ہے ۔یہ چلہ شدید سردیوں اور بھاری برف باری کے لئے مشہور ہے ۔