’اگلے۴۰ دن بہت اہم ہیں‘ جنوری میں ملک میں کووڈ کیسو میں اضافہ دیکھنے کو مل سکتا ہے‘

نئی دہلی//
سرکاری ذرائع نے بدھ کو سابقہ پھیلنے کے اندازوں کا حوالہ دیتے ہوئے کہا اگلے ۴۰ دن بہت اہم ہونے جا رہے ہیں کیونکہ ہندوستان میں جنوری میں کووڈ۱۹ کے مثبت معاملات میں اضافہ دیکھا جا سکتا ہے۔
ایک اہلکار نے کہا’’پہلے، یہ دیکھا گیا ہے کہ کووڈ۱۹ کی ایک نئی لہر مشرقی ایشیا سے ٹکرانے کے تیس سے پینتیس دن بعد ہندوستان سے ٹکراتی ہے… یہ ایک رجحان رہا ہے‘‘۔
وزارت صحت کے ذرائع نے تاہم کہا کہ انفیکشن کی شدت کم ہے۔ انہوں نے کہا کہ یہاں تک کہ اگر لہر آتی ہے تو اموات اور اسپتال میں داخل ہونے کی شرح بہت کم ہوگی۔
چین اور جنوبی کوریا سمیت کچھ ممالک میںکووڈ۱۹ کے معاملات میں اضافے کے درمیان، حکومت نے الرٹ جاری کیا ہے اور ریاستوں اور مرکز کے زیر انتظام علاقوں سے کہا ہے کہ وہ کسی بھی صورت حال کیلئے تیار رہیں۔
وزیر اعظم نریندر مودی اور وزیر صحت منسکھ منڈاویہ نے معاملات میں نئے اضافے سے نمٹنے کیلئے ملک کی تیاریوں کا جائزہ لینے کے لیے میٹنگیں کی ہیں۔
کیسز میں تازہ ترین اضافہ اومیکرون کے ذیلی ویرینٹ بی ایف ڈاٹ۷کے ذریعے کیا جا رہا ہے۔
سرکاری ذرائع نے بتایا کہ بی ایف ڈاٹ ۷ ذیلی قسم کی منتقلی بہت زیادہ ہے اور ایک متاثرہ شخص مزید۱۶ افراد کو متاثر کر سکتا ہے۔
دریں اثناملک میں گزشتہ۲۴گھنٹے میں کورونا کے فعال کیسز میں اضافہ ہوا ہے جس کی وجہ سے اب ان کی تعداد بڑھ کر۳۴۶۸ ہو گئی ہے اور ایکٹیو کیسز کی شرح۱ء۰فیصد ہے ۔
صحت اور خاندانی بہبود کی مرکزی وزارت نے بدھ کو کہا کہ صبح۷بجے تک۰۷ء۲۲۰کروڑ سے زیادہ ویکسین دی گئی ہیں۔
وزارت نے بتایا کہ ملک میں گزشتہ ۲۴گھنٹے کے دوران۱۴۱؍افراد کورونا وائرس سے پاک ہو چکے ہیں جس کے باعث اس وبا سے صحت یاب ہونے والوں کی کل تعداد۴کروڑ ۴۱ لاکھ۴۳ہزار۴۸۳ ہو گئی ہے اور صحت یاب ہونے کی شرح ملک میں۸۰ء۹۸ فیصد ہے‘ گزشتہ۲۴گھنٹے میں کورونا وائرس کے انفیکشن سے کسی بھی مریض کی موت نہ ہونے کی وجہ سے مرنے والوں کی تعداد۵لاکھ۳۰ہزار۶۹۶پر برقرار ہے اور اموات کی شرح۱۹ء۱فیصد ہے ۔
گزشتہ ۲۴گھنٹوں میں۱۱ریاستوں اور دو مرکز کے زیر انتظام علاقوں میں کورونا کے نئے کیسز سامنے آئے ہیں اور دیگر ریاستوں اور مرکز کے زیر انتظام علاقوں میں ان کی تعداد کم ہوئی ہے ۔
قومی راجدھانی میں کورونا انفیکشن کے۱۳؍ایکٹیو کیسز بڑھے ہیں، جس کی وجہ سے اب ایکٹو کیسز کی تعداد۳۹ہو گئی ہے اور اس بیماری سے چھٹکارا پانے والوں کی تعداد۱۹لاکھ۸۰ہزار۶۱۵ہو گئی ہے اور اسی عرصے میں ایک ریاست میں مریض کی موت ہوگئی، مرنے والوں کی تعداد۲۶ہزار۵۲۱ ہوگئی۔