سرینگر//
شمالی کشمیر کے بانڈی پورہ ضلع کے حاجن گاؤں سے تعلق رکھنے والی اربین طاہر نے ۶ماہ میں۹۰۰ صفحات پرمشتمل ہاتھ سے قرآن پاک کا نسخہ لکھ کر اپنے والدین کا سر فخر سے بلند کر دیا۔
اربین دختر طاہر احمد پرے گورنمنٹ ہائر سیکنڈری سکول حاجن بانڈی پورہ میں۱۱ویں جماعت میں زیر تعلیم ہے۔
مقامی خبر رساں ایجنسی‘ کشمیر نیوز سروس کے ساتھ بات کرتے ہوئے اربین نے کہا کہ انہوں نے صرف چھ ماہ میں اپنے ہاتھ سے مقدس قرآن مجیدتحریر کیا ہے۔ انہوں نے کہا’’میرا بچپن سے ہی یہ خواب تھا کہ میں ہاتھ سے قرآن شریف لکھوں، اور الحمد للہ، میں نے چھ ماہ میں نو سو صفحات پر مکمل قرآن شریف لکھ کر ختم کیا‘‘۔
اربین نے کہا کہ ابتدا میں اس نے خطاطی کا کام صرف اس کی ہینڈ رائٹنگ کو بہتر بنانے کے لیے شروع کیا۔ اس نے قرآن کے ایک باب سے آغاز کیا اور ایسا کرکے خوشی محسوس کی جس کے بعد اس نے پورے قرآن کی خطاطی ختم کرنے کا فیصلہ کیا۔
طالبہ کاکہنا تھاکہ اس نے جو پہلا پروجیکٹ شروع کیا وہ بغیر کسی پروفیشنل ٹرینر کی رہنمائی کے چھ ماہ میں مکمل ہوا۔ انہوں نے مزید کہا ’’یہ ہاتھ سے لکھا ہوا قرآن نو سو صفحات پر مشتمل ہے‘‘۔انہوں نے کہا ’’میرے خاندان نے اس طریقہ کار میں دل سے میرا ساتھ دیا۔ میں اپنے کزن ڈاکٹر سیرت وانی کا شکریہ ادا کرنا چاہوں گی، جو میری تحریک ہے اور اس نے میری مدد کی اور مجھے اخلاقی سپورٹ پیش کیا‘‘۔
اربین نے مزید کہا’’میرا پیغام تمام لڑکوں اور لڑکیوں کیلئے‘ جو جدوجہد کر رہے ہیں‘ وہ یہ ہے کہ زندگی میں آپ بہت سے اتار چڑھاؤ سے گزریں گے اور اپنی صلاحیتوں پر بھروسہ رکھنے کے ساتھ ساتھ کامیابی کے راستے پر اپنے امکانات اور کامیابی کے عزم کو بہتر بنائیں گے۔ جو آپ کو زندگی میں آنے والی کسی بھی رکاوٹ کو دور کرنے اور دور کرنے کے قابل بنائے گا۔‘‘
