اننت ناگ :زخمی غیر مقامی مزدور دم توڑ بیٹھا :پولیس

سرینگر/
جنوبی کشمیر کے اننت ناگ ضلع کے رکھ مومن علاقے میں۱۲ نومبر کو ایک اور مزدور کے ساتھ گولی مار کر زخمی ہونے والے ایک غیر مقامی مزدور کی آج موت ہو گئی۔
ایک اعلیٰ پولیس افسر کے حوالے سے ایک مقامی خبر رساں ایجنسی نے اطلاع دی ہے کہ یوپی کے چھوٹو پرساد نے ہسپتال میں زخموں کی تاب نہ لاتے ہوئے دم توڑ دیا جہاں انہیں داخل کرایا گیا۔
پولیس کے مطابق اننت ناگ کے رکھ مومن علاقے میں دہشت گردانہ حملے میں یہ دونوں زخمی ہو گئے تھے۔
یاد رہے کہ امسال وادی ‘ بالخصوص جنوبی کشمیر میں غیر مقامی مزدوروں پر متعدد جان لیوا حملے ہو ئے ہیں ۔