ہماچل میں دوبارہ ڈبل انجن والی بی جے پی حکومت بننا یقینی ہے : نڈا

شملہ// بھارتیہ جنتا پارٹی (بی جے پی) کے قومی صدر جگت پرکاش نڈا نے کہا کہ ہماچل پردیش کے لوگوں نے فیصلہ کیا ہے کہ اس بار وہ ایک نیا رواج بنائیں گے اور بی جے پی کو دوبارہ لائیں گے ۔
ریاست میں مکمل اکثریت کے ساتھ ڈبل انجن بی جے پی کی حکومت بننا یقینی ہے ۔
جمعہ کو ہماچل پردیش کے سندھول، منڈی میں جمعہ کوعوامی جلسوں سے خطاب کرتے ہوئے مسٹرنڈا نے کہا کہ کانگریس اقتدار میں آنے کی جلدی اس لئے ہے کیونکہ وہ طویل عرصے سے اقتدار سے باہر ہے اوربے روزگار ہے ، اس لیے وہ اقتدار میں آنا چاہتی ہے ۔ کانگریس کی ہماچل پردیش کے لوگوں کو دھوکہ دینے کی تاریخ رہی ہے ۔
ڈبل انجن والی حکومت کے تحت ہماچل پردیش کے ترقیاتی کاموں کی گنتی کرتے ہوئے انہوں نے کہا کہ بلاس پور میں 1500 کروڑ روپے کی لاگت سے ایمس بنایا گیا ہے ۔ ایمس کے ساتھ ساتھ ہماچل پردیش میں چھ نئے میڈیکل کالج قائم کیے گئے ہیں۔ بلاسپور اسپتال میں ٹراما سینٹر، زچہ بچہ کی دیکھ بھال کا مرکز بنایا گیا ہے ۔ اونا میں تقریباً دو ہزار کروڑ روپے کی لاگت سے ایک بلک ڈرگ پارک بنایا جا رہا ہے ۔ نالہ گڑھ میں میڈیکل ڈیوائس پارک زیر تعمیر ہے ۔
عام آدمی پارٹی پر نشانہ لگاتے ہوئے بی جے پی سربراہ نے کہا کہ دہلی کی ایک سیاسی پارٹی یہاں سیاحت پر آئی تھی، لیکن ہماچل پردیش کے لوگوں کو ان کی سچائی کا پہلے ہی پتہ چل گیا تھا، اس لیے اس پارٹی نے ہماچل کی سرزمین چھوڑنا ہی بہتر سمجھا۔ اس پارٹی نے اب گجرات میں اپنے جھوٹ کا پرچار شروع کر دیا ہے لیکن وہاں بھی اس کی شکست یقینی ہے ۔
انہوں نے کہا، "مسٹرمودی کی قیادت میں، ہم عوامی خدمت کے لیے وقف ہیں جب کہ کانگریس اقتدار کا پھل کھانے کے لیے کام کرتی ہے ۔ ہم مشن موڈ پر کام کرتے ہیں، کانگریس کمیشن اور بدعنوانی کے لیے کام کرتی ہے ۔
جل جیون مشن کے تحت ہماچل میں 90 فیصد سے زیادہ گھروں کو جوڑ دیا گیا ہے ۔ ہماری حکومت میں پانچ سالوں میں تقریباً 20 ہزار کلومیٹر سڑکیں بنی ہیں اور ریاست کو وندے بھارت ٹرین کا تحفہ ملا ہے ۔