چیف آف ڈیفنس اسٹاف کا انفنٹری ڈے پر شہداء کو خراج عقیدت

نئی دہلی//
چیف آف ڈیفنس اسٹاف لیفٹیننٹ جنرل انیل چوہان نے جمعرات کو یہاں انفنٹری ڈے کے موقع پر قومی جنگی یادگار پر شہیدوں کو خراج عقیدت پیش کیا۔
ہر سال۷۲؍اکتوبر کو فوج کی سب سے بڑی یونٹ انفنٹری کے اعزاز میں ’انفنٹری ڈے‘کے طور پر منایا جاتا ہے ۔
لیفٹیننٹ جنرل چوہان کے علاوہ وائس چیف آف آرمی اسٹاف لیفٹیننٹ جنرل بی ایس راجو اور رجمنٹ کے کرنل نے بھی گلہائے عقیدت پیش کئے ۔ تین سابق فوجی جنہیں مختلف تمغوں سے نوازا گیا لیفٹیننٹ کرنل رام سنگھ شرن کیرتی چکرا (ریٹائرڈ)، صوبیدار میجر اور اعزازی کیپٹن یوگیندر سنگھ یادو پرم ویر چکر (ریٹائرڈ) اور سپاہی سردار سنگھ ویر چکرا (ریٹائرڈ) نے بھی سابق فوجیوں کو خراج عقیدت پیش کیا۔
اس موقع پر چیف آف ڈیفنس اسٹاف نے وار میموریل میں ان موٹرسائیکل ریلیوں کا بھی خیرمقدم کیا جنہیں آزادی کا امرت مہوتسو سے دس دن قبل ادھم پور، احمد آباد، ویلنگٹن اور شیلانگ سے جھنڈی دکھا کر روانہ کیا گیا تھا۔ ان موٹر سائیکل سواروں نے دس دنوں میں۸ہزارکلومیٹر سے زیادہ کا فاصلہ طے کیا ہے ۔
انفنٹری کے ڈائریکٹر جنرل نے اپنے پیغام میں فوجیوں سے کہا کہ وہ اپنی بہادری، قربانی اور بے لوث خدمت کی اقدار پر کاربند رہتے ہوئے قوم کی سالمیت اور خودمختاری کو برقرار رکھیں۔
۷۲؍اکتوبر۷۴۹۱کو پیدل فوج کا پہلا دستہ سرینگر کے ہوائی اڈے پر اترا اور حملہ آوروں کو سری نگر سے باہر دھکیل دیا۔ اس طرح اس نے پاکستانی فوج کے تعاون سے جموں و کشمیر پر حملہ کرنے آنے والے قبائلیوں کو بھاگنے پر مجبور کر دیا۔ پیدل فوج کی اس شراکت کے اعزاز میں انفنٹری ڈے منایا جاتا ہے ۔