اوڑی سے مونکی پوکس کے دو مشتبہ کیسوں کے نمونے منفی آئے

سرینگر//
شمالی کشمیر کے بارہمولہ ضلع کے اوڑی علاقے سے مونکی پوکس کے دو مشتبہ کیسوں کے نمونے منفی آئے ہیں۔
بلاک میڈیکل آفیسر بونیار ڈاکٹر پرویز مسعودی نے بتایا کہ دو افراد کے نمونے جو صورہ میڈیکل انسٹچوٹ مائیکرو بایولوجی لیب میں اسکریننگ کے لیے بھیجے گئے تھے ان میں مونکی پوکس کے منفی نتائج آئے ہیں۔
اس سے قبل اوڑی میں مونکی پوکس کے آٹھ مشتبہ معاملات کی اطلاع دی گئی تھی، تاہم سی ایم او بارہمولہ نے اس کی تردید کی اور کہا کہ گھبرانے کی ضرورت نہیں ہے۔
بلاک میڈیکل افسر نے بتایا کہ اس بیماری کے پیش نظر علاقے میں آگاہی مہم چالائی جارہی ہے تاکہ لوگوں کو اس بیماری سے متعلق جانکاری فراہم کی جاسکے۔ انہوں نے کہا کہ علاقے میں منکی پاکس کے مشتبہ دو معاملے سامنے آنے کے بعد سے محکمہ صحت کی ٹیم لچھی پورہ گاؤں بھیج دی تھی‘جہاں گاؤں کے دوسرے لوگوں میں اس بیماری کی جانچ کر رہی ہے۔