ڈائریکٹر جنرل جیل خانہ جات کا مبینہ قاتل گرفتار :پولیس

جموں//
جموں و کشمیر میں ایک سینئر پولیس افسر کل دیر رات گھر میں مردہ پایا گیا، اس کا گلا کٹا ہوا تھا اور اس کے جسم پر جلنے کے زخم تھے۔
پولیس کا کہنا ہے کہ اس کے گھریلو ملازم کو، جو اس کیس کا مرکزی ملزم ہے، کو حراست میں لے لیا گیا ہے۔
جموں و کشمیر میں جیلوں کے انچارج افسر ہیمنت کمار لوہیا کو جموں کے مضافات میں اپنے ایک دوست کے گھر پر قتل کر دیا گیا، جہاں وہ اپنے خاندان کے ساتھ اس وقت مقیم تھے جب ان کے اپنے گھر کی تزئین و آرائش کی جا رہی تھی۔
پولیس کا کہنا ہے کہ ان کی اب تک کی تحقیقات میں دہشت گردی کے کسی تعلق کی نشاندہی نہیں ہوئی ہے۔
۵۷ سالہ لوہیا کو اگست میں جیلوں کے ڈائریکٹر جنرل (جے اینڈ کے) مقرر کیا گیا تھا۔
ابتدائی تحقیقات اور سکیورٹی فوٹیج کی بنیاد پر، پولیس اس کے ۲۳ سالہ گھریلو ملازم یاسر احمد پر توجہ مرکوز کر رہی ہے، جسے چھ ماہ قبل ملازمت پر رکھا گیا تھا۔
یاسر قتل کے بعد فرار تھا۔ اسے آج اس وقت گرفتار کیا گیا جب پولیس نے اس کا سراغ لگانے کیلئے بڑے پیمانے پر آدمی کی تلاش شروع کی۔پولیس نے احمد کا پتہ لگانے میں مدد کیلئے اس کی تصویر بھی عوام کیلئے جاری کی تھی۔
جموں کے سینئر پولیس افسر مکیش سنگھ نے بتایا کہ یاسر احمد شدید ذہنی دباؤ کا شکار تھے۔گھر سے ہتھیار … مبینہ طور پر ٹوٹی ہوئی شیشے کی بوتل اور ایک ڈائری جیسے شواہد ضبط کیے گئے ہیں۔
سنگھ نے کہا کہ جب لوہیا پر حملہ ہوا تو وہ’اپنے سوجے ہوئے پاؤں پر تیل لگا رہے تھے‘۔ ان کے بقول قاتل نے مسٹر لوہیا کا گلا گھونٹ دیا، ٹوٹی ہوئی شیشے کی بوتل کا گلا کاٹنے کیلئے استعمال کیا اور لاش کو آگ لگانے کی کوشش کی‘۔
سنگھ نے کہا’’سکیورٹی گارڈز مسٹر لوہیا کے کمرے میں داخل ہوئے جب انہوں نے شعلوں کو دیکھا۔ کمرہ اندر سے بند تھا‘‘۔
سی سی ٹی وی فوٹیج میں یاسر کو بھاگتے ہوئے دکھایا گیا ہے۔
سنگھ نے کہا’’وہ (احمد) اس گھر میں تقریباً چھ ماہ سے کام کر رہا تھا۔ ابتدائی تحقیقات سے پتہ چلتا ہے کہ وہ کافی جارحانہ تھا اور ذرائع کے مطابق ڈپریشن کا بھی شکار تھا‘‘۔انہوں نے مزید کہا’’پولیس نے اس کی ڈائری سمیت کچھ دستاویزی ثبوت بھی قبضے میں لیے ہیں جو اس کی ذہنی حالت کی عکاسی کرتے ہیں‘‘۔
دریں اثنا جموں کشمیر کے لیفٹیننٹ گورنر‘ منوج سنہا نے ڈائریکٹر جنرل جیل خانہ جات ہیمنت کمار لوہیا کے مبینہ قتل پر گہرے صدمے کا اظہار کیا ہے ۔
سنہا نے کہا کہ موصوف ڈی جی ایک بہترین پولیس افسر ہونے ساتھ ساتھ ایک عظیم انسان بھی تھے ۔
بتادیں کہ پولیس ذرائع کے مطابق جموں وکشمیر کے ڈائریکٹر جنرل جیل خانہ جات ہیمنت کمار لوہیا کو پیر کی رات کو جموں کے مضافاتی علاقہ گجنسو اودھے والا میں اپنے دوست کی رہائش گاہ پر پر اسرار حالت میں مردہ پایا گیا تھا۔
سنہا نے اس واردات پر صدمے کا اظہار کرتے ہوئے منگل کو اپنے ایک ٹویٹ میں کہا’’شری ہیمنت لوہیا ایک بہترین پولیس افسر اور ایک عظیم انسان تھے ۔انہوں نے بہت کی لگن سے ملک کی خدمت کی‘‘۔
ایل جی کا ٹویٹ میں مزید کہنا تھا’’ان کی موت پر گہرا صدمہ ہوا، میں متوفی کے اہل خانہ اور دوستوں کی خدمت میں تعزیت پیش کرتا ہوں۔‘‘