لیفٹیننٹ جنرل انیل چوہان کو نیا سی ڈی ایس مقرر کیا گیا

نئی دہلی//
حکومت نے ایک اہم فیصلہ کرتے ہوئے لیفٹیننٹ جنرل انیل چوہان (ریٹائرڈ) کو نیا چیف آف ڈیفنس اسٹاف (سی ڈی ایس) مقرر کیا ہے ۔
لیفٹیننٹ جنرل انیل چوہان ملک کے دوسرے سی ڈی ایس ہوں گے ۔ انہیں سابق سی ڈی ایس جنرل بپن راوت کی جگہ مقرر کیا گیا ہے ۔ جنرل راوت دسمبر ۲۰۲۱میں ایک ہیلی کاپٹر حادثے میں ہلاک ہو گئے تھے ۔ یہ عہدہ ان کی وفات کے بعد سے خالی پڑا تھا۔
لیفٹیننٹ جنرل انیل چوہان عسکری امور کے محکمے کے سکریٹری کے فرائض بھی دیکھیں گے اور ان کی تقرری چارج سنبھالنے کے دن سے اگلے احکامات تک نافذ العمل ہوگی۔
چوہان نے فوج میں تقریباً ۴۰سال پر محیط کیریئر کے دوران مختلف کمانڈ، اسٹاف اور اہم تقرریوں پر فائز رہے ۔ ان کے پاس انسداد دہشت گردی اور انسداد بغاوت کی کارروائیوں کا خاص طور پر جموں و کشمیر اور شمال مشرق میں وسیع تجربہ ہے ۔
۱۸مئی ۱۹۶۱کو پیدا ہونے والے لیفٹیننٹ جنرل انیل چوہان نے۱۹۸۱میں فوج کی۱۱گورکھا رائفلز میں کمیشن حاصل کیا۔ نیشنل ڈیفنس اکیڈمی کھڑکواسلا اور انڈین ملٹری اکیڈمی دہرادون کے سابق طالب علم لیفٹیننٹ جنرل چوہان کو سال ۲۰۱۹میں چیف آف ایسٹرن کمانڈ مقرر کیا گیا تھا۔ انہوں نے یہ ذمہ داری مئی۲۰۲۱میں اپنی ریٹائرمنٹ تک نبھائی۔
لیفٹیننٹ جنرل چوہان کو نمایاں اور ممتاز خدمات کیلئے پرم وششٹ سیوا میڈل، اتم یودھ سیوا میڈل، اتی وششٹ سیوا میڈل، سینا میڈل اور وششٹ سیوا میڈل سے نوازا جاچکا ہے ۔