اقوام متحدہ: لیبیا کے حالات پُر تشویش ہیںفریقین عوامی مفادات پر توجہ مرکوز کریں

جنیوا///
اقوام متحدہ نے لیبیا کے حالات پر اندیشوں کا اظہار کیا اور ملک کے متعلقہ فریقین سے عوامی مفادات پر توجہ مرکوز کرنے کی اپیل کی ہے۔
اقوام متحدہ کے سیکرٹری جنرل ترجمان سٹیفن دژارک نے امریکہ کے شہر نیویارک میں منعقدہ پریس کانفرنس میں لیبیا کے اسمبلی ممبران کی طرف سے بحیثیت وزیر اعظم متعین کئے گئےفتحی باش آغا کی، قومی اتحادی حکومت کے وزیر اعظم عبدالحمید دبیبہ سے، انتظامی اختیارات کی وصولی کی طلب پر بات کی۔
دژارک نے کہا ہے کہ” ہم، اضافی طاقت جمع کرنے اور سیاسی رقابت کے لئے طاقت کے استعمال کی دھمکیوں سمیت لیبیا میں درپیش صورتحال پر نہایت درجے تشویش کے ساتھ نگاہ رکھے ہوئے ہیں۔ لیبیا میں اس سمت میں تناو میں اضافہ نہیں ہونا چاہیے۔ متعلقہ فریقین کو بھی عوامی مفادات کو پیش نظر رکھنا چاہیے”۔
انہوں نے کہا ہے کہ لیبیا میں کوئی بھی ماضی کی طرف واپسی کا خواہش مند نہیں ہے۔ اس حوالے سے اقوام متحدہ کا لیبیا نمائندہ دفتر بھی تمام فریقین کے ساتھ رابطے میں ہے۔
واضح رہے کہ کچھ عرصے سے لیبیا میں عبدالحمید دبیبہ اور فاتحی باش آغا کی زیرِ قیادت دو مختلف حکومتیں اقتدار میں ہیں اور یہ صورتحال ملک میں دوبارہ سے تشدد کے اندیشے پیدا کر رہی ہے۔