’ اِنتظامیہ یو ٹی کے ہر خطے کی جامع ‘مساوی اور متوازن ترقی کو یقینی بنانے کی پابند‘

سرینگر//
لیفٹیننٹ گورنر‘ منوسِنہا نے آج یہاں راج بھون میں گاندربل کے پی آر آئی کے نمائندوں اور سول سوسائٹی کے اَرکان کے ساتھ تبادلہ خیال کیا۔
لیفٹیننٹ گورنر نے ڈی ڈی سی چیئرپرسن اور ممبران ، چیئرمین میونسپل کونسل ، بی ڈی سی چیئرپرسن ، سرپنچوں ، پنچوں ، مذہبی ، سماجی اور کاروبار آرگنائزیشنوں اور اَنجمنوں کے سربراہوں پر مشتمل تقریباً۱۳۰؍ اراکین کے ایک اِجتماع سے خطاب کیا۔
سنہا نے اِس موقعہ پر مختلف مقررین کی طرف سے پیش کئے گئے تمام مسائل اور مطالبات کو بغور سنا ۔
لیفٹیننٹ گورنر نے کہا کہ یوٹی اِنتظامیہ جموں وکشمیر کے ہر ایک خطہ کی جامع ، مساوی اور متوازن ترقی کو یقینی بنانے میں ثابت قدم ہے اور انہیں یقین دِلایا کہ ان کے جائز مسائل کو حل کرنے کیلئے اِنتظامیہ کے متعلقہ حصوں کے ساتھ اُٹھایا جائے گا۔
سنہانے مختلف تربیتی اور مالی اِمدادی پروگراموں اور مشن یوتھ کے تحت شروع کئے گئے اقدامات کے بارے میں عوام میں زیادہ سے زیادہ بیداری پیدا کرنے پر زور دیا جو معاش اور کاروباری مواقع فراہم کرتے ہیں۔اُنہوں نے وفد کے اَرکان سے معاشرے میں منشیات کا قلع قمع کرنے کی جدو جہد میں شامل ہونے کی بھی اپیل کی۔
سنہا نے اَمرناتھ جی یاترا کے دوران پی آر آئیز اور سول سوسائٹی گروپوں کی کوششوں کا اعتراف کرتے ہوئے کہا کہ اِنتظامیہ یاترا بغیر کسی پریشانی کے اور احسن اِنعقاد میں ان کے تعاون کے لئے ہمیشہ شکر گذار رہے گی۔
لیفٹیننٹ گورنر نے مزید کہا کہ گاندربل کے مختلف علاقوں کی ترقی کیلئے پیش کئے گئے جائز مطالبات اور مسائل کو فوری طور پر حل کیا جائے گا۔
سنہا نے مزید کہا کہ فنڈس ، فنکشنز اور فنکشنزکی زیادہ تر منتقلی نے پی آر آئیز کو بااِختیار بنایا ہے اور منصوبہ بندی اور مؤثر نگرانی سے شفافیت لائی ہے ۔
اِس موقعہ پر سابق ایم ایل اے اشفاق جبار نے ایل جی کی قیادت میں یوٹی اِنتظامیہ کا شکریہ اَدا کیا کہ اُنہوں نے متعددعوامی مسائل کو حل کیا جو کئی برسوں سے لٹک رہے تھے۔
جبار نے گاندربل میں زوجیلا ٹنل پروجیکٹ اور نئی قائم ہونے والی سینٹرل یونیورسٹی کشمیر میں مقامی لوگوں کے لئے روزگار کے مواقع ، ماہر ڈاکٹروں کی تقرری اور ضلع ہسپتال گاندربل میں عملے کو مستحکم کرنے ، دیہی علاقوں میں ویٹرنری ڈسپنسری ، گاندربل کی سڑکوں کو فورلین کرنے اورعوامی بہبود کے دیگر مسائل کے علاوہ واٹر سپورٹس اور پیراگلائیڈنگ کے راستوں کے ساتھ مانسبل جھیل کی ترقی کے مطالبات بھی پیش کئے ۔
متعدد دیگر مقررین نے بھی اَپنے اَپنے علاقوں کے مسائل اور مطالبات پیش کئے جن میں تجاوزات کا خاتمہ ، سٹریٹ لائٹس کی تنصیب ،لار میں ڈگری کالج اور ایس بی آئی برانچ کا قیام وغیرہ شامل ہیں۔