(ایجنسیاں )
کولگام؍۱۳ نومبر
جنوبی کشمیر کے ضلع کولگام کے دمحال ہانجی پورہ علاقے میں جمعہ کو ایک اسکول بس اور موٹر سائیکل کے درمیان ٹکر کے نتیجے میں۲۵ سالہ نوجوان جاں بحق جبکہ تین دیگر زخمی ہوگئے۔
ایک عہدیدار نے بتایا کہ ڈانوی کنڈی مارگ پر ایک اسکول بس اور موٹر سائیکل کے درمیان ٹکر ہوئی، جس کے نتیجے میں موٹر سائیکل پر سوار چار افراد زخمی ہوگئے۔
انہوں نے بتایا کہ زخمیوں کو فوری طور پر سب ڈسٹرکٹ اسپتال دمحال ہانجی پورہ منتقل کیا گیا، جہاں ان میں سے ایک نوجوان زخموں کی تاب نہ لاتے ہوئے دم توڑ بیٹھا۔
جاں بحق نوجوان کی شناخت ریاض احمد آہنگر(۲۵) ولد غلام احمد ساکن ڈی کے مارگ کے طور پر ہوئی ہے۔
حادثے میں زخمی ہونے والوں کی شناخت نصیر احمد نائیک(۲۷)‘ عاشق احمد آہنگر(۲۴)اور منظور احمد (۲۴)ساکنان ڈی کے مارگ کے طور پر کی گئی ہے۔ تینوں زخمیوں کو مزید علاج کے لیے ضلع اسپتال کولگام منتقل کیا گیا ہے۔
پولیس نے واقعے کا نوٹس لیتے ہوئے تحقیقات شروع کر دی ہے۔
