جموں؍۱۰نومبر
نیشنل کانفرنس کے صدر فاروق عبداللہ نے پارٹی کے ناراض اراکینِ اسمبلی کو اعتماد میں لینے اور ان کی شکایات دور کرنے کے لیے عمر عبداللہ کی قیادت والی جموں و کشمیر حکومت کے ہر وزیر کے ساتھ اراکینِ اسمبلی پر مشتمل غیر رسمی مشاورتی گروپ تشکیل دینے کی تجویز قبول کرلی ہے۔
پارٹی ذرائع کے مطابق اس اقدام کا مقصد پارٹی کے اندر بڑھتی ہوئی بے چینی کو دور کرنا ہے۔
ذرائع کے مطابق فاروق عبداللہ نے سرینگر میں منعقدہ ایک اجلاس کے چند روز بعد تمام اراکینِ اسمبلی کو اس سلسلے میں خط لکھا۔ مذکورہ اجلاس میں متعدد اراکینِ اسمبلی نے پارٹی قیادت اور حکومت کے درمیان رابطے کے فقدان پر تشویش کا اظہار کیا تھا۔
مجوزہ مشاورتی گروپوں کا مقصد پارٹی اور حکومت کے درمیان رابطے کا مؤثر ذریعہ قائم کرنا ہے، تاکہ اراکینِ اسمبلی کو اہم انتظامی فیصلوں سے باخبر رکھنے کے ساتھ ساتھ ان کی رائے اور تجاویز کو بھی حکومتی امور میں شامل کیا جاسکے۔
۔۔۔۔۔
(ایجنسیاں )
