اننت ناگ؍۲۳ ستمبر
ضلع ڈوڈہ سے تعلق رکھنے والا۲۰ سالہ نوجوان اننت ناگ کے تحصیل لرنو کے ڈکسُم علاقے میں پیش آئے سڑک حادثے میں شدید زخمی ہونے کے بعد جاں بحق ہوگیا۔
ایک مقامی نیوز ایجنسی کے مطابق حکام نے بتایا کہ حادثہ ڈکسُم علاقے میں پیش آیا، جس کے بعد زخمی نوجوان کو فوری طبی علاج کے لیے پرائمری ہیلتھ سینٹر (پی ایچ سی) لرنو منتقل کیا گیا۔
زخموں کی سنگینی کے باعث نوجوان کو بعد ازاں گورنمنٹ میڈیکل کالج (جی ایم سی) اننت ناگ منتقل کیا گیا، جہاں وہ زخموں کی تاب نہ لاتے ہوئے دم توڑ گیا۔
جاں بحق نوجوان کی شناخت ڈوڈہ ضلع کے بٹوگرا گوگرا علاقے کے رہائشی محمد رفیق کے بیٹے دانش احمد کے طور پر ہوئی ہے۔
دریں اثنا، پولیس نے واقعے کا نوٹس لیتے ہوئے حادثے اور نوجوان کی موت کے اسباب و حالات کا پتہ لگانے کے لیے تحقیقات شروع کر دی ہے۔
۔۔۔۔۔
